Llapan kanqanman ëwari

Qateqnin kaqman ëwë

Qallananchö tïtulukunaman ëwë

Jehoväpa testïgunkuna

Quechua (Ancash)

CRISTIÄNUNÖ KAWAKUNAPAQ Y YACHATSIKUNAPAQ REUNIONCHÖ YACHAKUNAPAQ  |  Abril de 2017

 DIOS MUNANQANNÖ KAWANAPAQ

Jehoväta alabanapaq cancionkunaqa yanapamantsikmi

Jehoväta alabanapaq cancionkunaqa yanapamantsikmi

Prësurëkarmi Pabluwan Sïlasqa Jehoväta alabarnin cantayarqan (Hch 16:25). Kanampis cristiänu mayintsikkunaqa, chikeqninkuna Alemania nacionpa Sachsenhausen nishqan carcelninchö prësu këkar y Siberiaman prësu apakuyaptinmi cantayarqan. Kë willakïkunaman rikätsimantsik, mana allikunapa pasashqapis Jehoväta alabarnin cantanqantsik cancionkunaqa yanapamanqantsikta.

Cantemos con gozo a Jehová nishqan cancionëruntsikqa quechua idiömantsikchöpis yarqamunqam. Tsëyaqqa, kapamanqantsik cancionkunatam familiantsikwan Diosta adoranqantsik hörachö kutin kutin yachakïta puëdintsik, tsënöpam letrankunata yarpäshun (Ef 5:19). Tsëta rurashqaqa, mana allikunapa pasanqantsik hörachömi, Jehoväpa santu espïritun yanapamäshun yachakunqantsik cancionkunata yarpänapaq. Jina shumaq patsaman yaraparänapaqmi yanapamantsik. Jina mana allikunapa pasanqantsik hörapis yanapamantsikmi. Alli këkashqapis, tsë cancionkunapa shumaq letrankunam kushishqa këkanqantsikta rikätsikunapaq y kushikïwan cantanapaq yanapamäshun (1Cr 15:16; Sl 33:1-3). Tsëmi cantëta procuranantsik.

JUK ALLÄPA YANAPAKOQ CANCION NEQ VIDËUTA RIKÄRIYË. TSËPITANA KË TAPUKÏKUNATA RURARÏ:

  • ¿Imakunapa pasëkartaq Frost jutiyoq wawqiqa juk cancionta qellqarqan?

  • ¿Imanötaq kë cancionqa Sachsenhausen nishqan carcelchö llawirëkaq cristiänukunata yanaparqan?

  • ¿Imakunapa pasëkaptikitaq Jehoväta alabanapaq cancionkunaqa yanapashïnikita puëdin?

  • Jehoväta alabanapaq cancionkunapita, ¿mëqantataq yachakïta munankiman?