(Isaïas 6:8)

  1. 1. Tukïtam nunakunaqa

    Diosnintsik Jehoväpaq niyan.

    “Diosqa manam kantsu” nirmi,

    jutintapis despreciayan.

    ¿Pitaq jutinta defendin?

    ¿Pitaq Pëpa willakoqnin?

    (CÖRU 1)

    Jehovä noqam ëwalläshaq,

    jutikitam defendishaq.

    Më tsëchömi jutikipita

    willakur purilläshaq.

  2. 2. Diosqa manam kuyakuntsu

    nirmi, llutanta rurayan.

    Mana väleq dioskunatam,

    pëkunaqa adorayan.

    ¿Pitaq Jehovä munanqanta

    pëkunata yachatsinqa?

     (CÖRU 2)

    Jehovä noqam ëwalläshaq,

    qampitam yachatsikushaq.

    Më tsëchömi jutikipita

    willakur purilläshaq.

  3. 3. Kananqa llakikïllatam

    më tsëchöpis rikëkantsik;

    tsëkunata rikarninmi,

    manshu kaqkuna sufriyan.

    ¿Pitaq manshu kaqkunata

    yachatsinampaq ëwanqa?

    (CÖRU 3)

    Jehovä noqam ëwalläshaq,

    manshu kaqtam shoqalläshaq.

    Më tsëchömi jutikipita

    willakur purilläshaq.

(Kë textukunatapis rikäri: Sal. 10:4; Ezeq. 9:4).