Llapan kanqanman ëwari

Qateqnin kaqman ëwë

Qallananchö tïtulukunaman ëwë

Jehoväpa testïgunkuna

Quechua (Ancash)

¿Imatataq Biblia yachatsimantsik? Librupa ichikllachö willakïninkuna

7. ¿Imataq wanushqakunata shuyaran?

7. ¿Imataq wanushqakunata shuyaran?

1 JEHOVÄQA WANÏTAM USHAKÄTSINQA

“Wanïmi, chipyëpa ushakätsishqa kanqa” (1 Corintius 15:26).

¿Imanötaq Bibliaqa shoqamantsik pillapis wanuriptin?

  • 2 Corintius 1:3, 4

    Kastantsik o amïguntsik wanuriptinqa alläpam llakikuntsik. Peru Bibliaqa shoqamantsikmi.

  • Isaïas 25:8; 26:19

    Wanïta chipyëpa ushakätsinampaq, y wanushqakunata kawaritsimunampaqmi Jehoväpaqa podernin kan.

2 KAWARIMÏ KANAMPAQ KAQMANQA MARKÄKUSHWANMI

“Shipash, noqam neq: ‘¡Sharkï!’” (Marcus 5:41).

¿Imanirtaq kawarimï kanampaq kaqman markäkushwan?

  • Juan 11:1-44

    Jesusqa Läzarutam kawaritsirqan.

  • Marcus 5:22-24, 35-42

    Jesusmi juk shipashta kawaritsirqan.

  • Juan 11:41, 42

    Jehovämi Jesusta podernin qorqan wanushqakunata kawaritsimunampaq.

  • Juan 12:9-11

    Mëtsikaq nunakuna rikëkäyaptinmi Jesusqa wakin nunakunata kawaritsirqan. Wanushqakunata kawaritsimïta puëdinqantam chikeqninkunapis musyayarqan.

3 MILLONYËPAYAN NUNAKUNATAM JEHOVÄQA KAWARITSIMUNQA

“Qammi qayaramanki, y noqam contestashqëki. Makikiwan ruranqëkitaqa manam qonqankitsu” (Job 14:13-15).

¿Pikunataq kawariyämunqa?

  • Juan 5:28, 29

    Diospa yarpëninchö këkaq llapan wanushqakunam kawariyämunqa.

  • Hëchus 24:15

    Alli kaqta ruraqkuna y mana allita ruraqkunam kawariyämunqa.

  • Isaïas 40:26

    Jehoväqa llapan qoyllurkunapa jutintam yarpan. Tsëmi llapan wanushqa kastantsikkuna imanö kayanqantapis yarpëta puëdin.

4 WAKIN NUNAKUNAQA CIËLUTA ËWAYÄNAMPAQMI KAWARIYÄMUNQA

“Noqaqa qamkunapaq juk sitiuta alistaqmi nänipa ëwëkä” (Juan 14:2).

¿Pikunataq ciëluchö kawayänampaq kawariyämunqa?

  • 1 Pëdru 3:18

    Puntataqa, Jesusmi ciëluchö kawanampaq kawarimurqan.

  • Lücas 12:32

    Ciëluchö kawayänampaqqa, wallkaqlla kawariyämunampaq kaqtam Jesusqa nirqan.

  • Revelacion 14:1

    144.000 nunakunatam Jehoväqa akrashqa ciëluchö kawayänampaq.