Llapan kanqanman ëwari

Qateqnin kaqman ëwë

Qallananchö tïtulukunaman ëwë

Jehoväpa testïgunkuna

Quechua (Ancash)

¿Imatataq Biblia yachatsimantsik? Librupa ichikllachö willakïninkuna

1. ¿Pitaq Dios?

1. ¿Pitaq Dios?

1 DIOSTAQA REQITA PUËDINTSIKMI

“Qammi llapan imëkakunata kamarqëki” (Revelacion 4:11).

¿Imatataq Bibliaqa Diospita yachatsikun?

  • Revelacion 15:3

    Pëmi Llapanta Puëdeq Kaq. Llapampitapis Pëllam mas puëdeqqa.

  • Salmus 90:2

    Imëyaqpis Diosqa këkanqallam.

  • Mateu 6:9

    Diosqa Teytantsikmi.

    Tsëmi alli kawakunantsikta munan.

  • Hëchus 17:27

    Diosqa amïguntsik këtam munan.

2 DIOSPAQA JUTIN KANMI

“Jehovä [...] Këmi imëyaqpis jutï” (Exodu 3:15).

¿Imanirtaq Diospa jutinqa alläpa precisan?

  • Salmus 83:18

    Diosqa nimantsik Jehovä jutin kanqantam. Dios o Señorqa manam jutitsu, tsëqa tïtulukunallam rey o presidenti neqnölla. Jehoväqa jutimpa reqinatam munan.

  • Exodu 3:14

    Jehovä jutiqa “Pëmi Ruranampaq Yuritsin y Rurakätsin” ninanmi. Jehoväqa llapantam kamashqa. Tsëmi llapan änikunqanta cumplita puëdin y munënin rurakänantapis.

3 JEHOVÄQA KUYAMANTSIKMI

“Diosqa kuyakïmi” (1 Juan 4:8).

¿Imanötaq Diosqa rikätsikun kuyamanqantsikta?

  • Exodu 34:6; Salmus 37:28

    Diosqa alläpa llakipäkoq y alläpa allim. Rasumpa kaqta y alli kaq rurëtam kuyan.

  • Salmus 86:5

    Perdonamänantsikpaqmi listu këkan.

  • 2 Pëdru 3:9

    Noqantsikrëkurmi pacienciakïkan.

  • Revelacion 15:4

    Mana jaqikoqmi.

4 DIOSQA QAMPAQMI YARPACHAKUN

“Jina llapan yarpakachënikikunata pëman churarkuyë, porqui pëqa alläpam qamkunapaq yarpachakun” (1 Pëdru 5:7).

¿Imanirtaq markäkunki Diosqa qampaq yarpachakunqanman?

  • Salmus 37:9-11

    Diosnintsikqa sufrimientukunata ushakätsinampaqmi änimantsik y mana alli rurëkunaqa mananam kanqanatsu.

  • Santiägu 4:8

    Jehoväqa amïgun kanëkitam munan.

  • Juan 17:3

    Diospita mas yachakunqëkimannömi, pëta mas kuyanki.