Llapan kanqanman ëwari

Qateqnin kaqman ëwë

Qallananchö tïtulukunaman ëwë

Jehoväpa testïgunkuna

Quechua (Ancash)

¿Imatataq Biblia yachatsimantsik? Librupa ichikllachö willakïninkuna

6. ¿Imaraq pasamantsik wanurishqa?

6. ¿Imaraq pasamantsik wanurishqa?

1 WANURISHQAQA KAWËNINTSIKMI USHAKÄRIN

“Wanushqakunaqa manam imatapis musyayannatsu” (Eclesiastes 9:5).

¿Imaraq pasamantsik wanurishqa?

  • Salmus 146:3, 4; Eclesiastes 9:6, 10

    Wanurishqaqa manam rikantsiknatsu, wiyantsiknatsu ni pensantsiknatsu.

  • Juan 11:11-14

    Jesusqa wanïtam punïtawan igualatsirqan.

2 JEHOVÄQA MANAM WANUNANTSIKTA MUNARQANTSU

“Peru tsë alli kaqta y mana alli kaqta musyatsikoq plantapitaqa, manam mikunëkitsu, tsëta mikurqa, mikunqëki junaqmi wanunki” (Genesis 2:17).

¿Imanirtaq wanuntsik?

  • Genesis 3:1-6

    Jehovä ninqan rasumpa mana kanqanta nirmi Diabluqa Ëvata uliparqan. Diosta mana wiyakurmi Adanwan Ëvaqa jutsata rurayarqan y tiempuwannam wanuyarqan.

  • Genesis 3:19

    Adan wanuriptinqa kawëninmi chipyëpa ushakärirqan.

  • Romänus 5:12

    Jutsaqa muyakoq qeshyanömi, y tsëtaqa Adan y Ëvapitam chaskirquntsik. Llapantsikmi jutsasapa yurintsik y tsëmi wanuntsik.

  • 1 Corintius 15:26

    Wanïqa chikimaqnintsikmi, tsëtam Bibliaqa yachatsikun.

3 WANÏPITA RASUMPA KAQTA MUSYËQA YANAPAMANTSIKMI

“Juk nuna wanurqa, ¿yapë kawarimunmantsuraq?” (Job 14:14).

¿Ima mana alli yachatsikïkunapitataq tsapämantsik wanïpita rasumpa kaqta musyanqantsik?

  • 1 Juan 4:8

    Infiernuchö mana alli nunakuna rupayanqanta yachatsikuyanqanqa Diostam piñatsin, pëqa manam pitapis sufritsintsu.

  • Revelacion 4:11

    Mëtsikaq nunakunam wanushqakunata mantsayan, tsëmi Jehoväta adorayänampa rantin wanushqakunapaq imëkakunata rurayan. Jehoväqa rasumpa kaq Diosmi y pëllatam adoranantsikqa.