Llapan kanqanman ëwari

Qateqnin kaqman ëwë

Qallananchö tïtulukunaman ëwë

Jehoväpa testïgunkuna

Quechua (Ancash)

¿Imatataq Biblia yachatsimantsik? Librupa ichikllachö willakïninkuna

13. Kawë qarëta respetë

13. Kawë qarëta respetë

1 KAWË QARËTA RESPETË

“Qamchömi kawëqa këkan” (Salmus 36:9).

¿Imanötaq kawëta respetanqantsikta rikätsikuntsik?

  • Hëchus 17:28; Revelacion 4:11

    Kawëqa Jehovä Diospa qarëninmi, tsëmi respetanantsik.

  • Exodu 21:22, 23; Deuteronomiu 5:17

    Pitapis wanutsiqa y manaraq yureq wamrata wanutsiqa alläpa jutsam.

  • 1 Juan 3:11, 12, 15

    Manam pitapis chikishwantsu.

  • 2 Corintius 7:1

    Cigärru y dröga shoqï viciukunataqa jaqinantsikmi.

  • Salmus 11:5

    Kawënintsikta peligruman churaq pukllakunata y kushikunapaq rurëkunataqa manam ruranantsiktsu.

2 KAWË Y YAWAR

“Ëtsantawan kawëninllata —yawarnintaqa— ama mikuyëtsu” (Genesis 9:4).

¿Imanötaq Jehoväqa rikan kawëtawan yawarta?

  • Genesis 4:10; Deuteronomiu 12:23

    Yawarchömi kawëqa këkan.

  • Genesis 9:3, 4

    Ëtsataqa mikïtam puëdintsik, peru yawartaqa manam.

  • Hëchus 15:28, 29; 21:25

    Yawarta ama mikuyëtsu ninqanqa, yawarta cuerpuntsikman churakïpis mana alli kanqantam rikätsikun.

  • Hebrëus 11:6

    Jehoväwan amïgu kanqantsikmi imapitapis masqa precisan.

3 KËKUNALLACHÖ YAWARTA UTILIZÄNATAM JEHOVÄQA PERMITIN

“Jesuspa yawarninmi llapan jutsapita limpiamantsik” (1 Juan 1:7).

¿Ima bendiciontataq chaskishun Jesucristu wanunqanrëkur?

  • Levïticu 17:11

    Jutsankunapita limpiu quedayänampaqmi israelïtakunaqa juk animalta wanutsiyaq, y sacerdötikunatam niyaq wakin yawarta altarman apëkur jichayänampaq.

  • Mateu 20:28; Hebrëus 9:11-14

    Jutsantsikpita perdonashqa kanapaqmi, Jesusqa kawëninta o juk parlakïchöqa yawarninta entregarqan. Jesus wanunqanwanmi animalkunata sacrifikäyänampaq leyqa ushakärirqan.

  • Juan 3:16

    Jesuspa kawëninqa alläpam precisarqan. Tsëmi Jehoväqa, Jesus wanunqanman markäkoqkuna mana wanushpa kawakïta tariyänampaq permitishqa.