Llapan kanqanman ëwari

Qateqnin kaqman ëwë

Qallananchö tïtulukunaman ëwë

Jehoväpa testïgunkuna

Quechua (Ancash)

¿Imatataq Biblia yachatsimantsik? Librupa ichikllachö willakïninkuna

12. ¿Imataraq rurashwan Diospa amïgun kanantsikpaq?

12. ¿Imataraq rurashwan Diospa amïgun kanantsikpaq?

1 AMÏGUNKUNAQA JEHOVÄTAM CÄSUYAN

“Ninqäta wiyayë y Diosnikikunam kashaq y qamkunaqa markämi kayanki” (Jeremïas 7:23).

¿Rasumpaku Diospa amïgun këta puëdintsik?

  • Genesis 22:18; Santiägu 2:23

    Abrahanqa Jehoväman markäkunqanrëkur y wiyakunqanrëkurmi amïgun karqan.

  • 2 Crönicas 16:9

    Jehoväqa pëta cäsukoqkunatam yanapan.

  • Salmus 25:14; 32:8

    Jehoväqa amïgunkunatam yachaq y tantiyaq kayänampaq yanapan.

  • Salmus 55:22

    Jehoväqa amïgun kaqkunatam cuidan.

2 JEHOVÄPA MANA JAQIKOQ AMÏGUNMI JOBQA KARQAN

“Jobqa manam jutsallakurqantsu, ni Diosta culparqantsu” (Job 1:22).

¿Imanötaq Diabluqa Jobta sufritsirqan? ¿Y imatataq Jobqa rurarqan?

  • Job 1:10, 11

    Diabluqa nirqan, Jobqa kikinllapaq imëkata munanqanta y Diosta mana kuyanqantam.

  • Job 1:12-19; 2:7

    Jobpa llapan kapunqankunata Diablu qochinantam, Jehoväqa permitirqan. Jinamampis, Diabluqa alläpa melanëpaq qeshyawanmi qeshyatsirqan.

  • Job 27:5

    Imanir alläpa sufrikanqanta mana musyëkarpis, Jobqa manam Jehoväta jaqirirqantsu.

3 JEHOVÄTA JAQIRINËKITAM DIABLUQA MUNAN

“Kawëninrëkurqa llapan kapunqantam nunaqa qonqa” (Job 2:4).

¿Imatataq Diabluqa ruran Jehoväpa amïgun këta jaqinapaq?

  • 2 Corintius 11:14

    Diabluqa engañamënintsiktam munan Jehovä nimanqantsikta mana cäsukunapaq.

  • Proverbius 24:10

    Mana allita ruranqantsikrëkur Jehoväta mana sirwita puëdinqantsiktam, Diabluqa creitsimënintsikta munan.

  • 1 Pëdru 5:8

    Diabluqa tukïnöpam sufritsimantsik.

  • Proverbius 27:11

    Jehoväta cäsukunëkipaq decidi y pëpa amïgun kë. Tsëmi rikätsikunqa Diablu ulikoq kanqanta.

4 JEHOVÄTA KUYARMI PËTA WIYAKUNTSIK

“Porqui këmi Diosta kuyëqa: mandakïninkunata wiyakï” (1 Juan 5:3).

¿Imatataq ruranëki Jehoväpa amïgun kanëkipaq?

  • Deuteronomiu 6:5

    Diosta kuyanqëkim yanapashunki pëta cäsunëkipaq.

  • Isaïas 48:17, 18

    Jehoväta cäsukï. Tsëta ruraptikiqa, imapis allim yarqapushunki.

  • Deuteronomiu 30:11-14

    Mana puëdinëkipaq kaqkunata ruranëkipaqqa Jehoväqa manam nishunkitsu, tsëmanmi markäkunëki.

  • Filipensis 4:13

    Alli kaqta rurë. Tsëqa Jehovämi yanapashunki.