Llapan kanqanman ëwari

Qateqnin kaqman ëwë

Qallananchö tïtulukunaman ëwë

Jehoväpa testïgunkuna

Quechua (Ancash)

¿Imatataq Biblia yachatsimantsik? Librupa ichikllachö willakïninkuna

3. ¿Imarëkurtaq nunakunata Dios kamarqan?

3. ¿Imarëkurtaq nunakunata Dios kamarqan?

1 DIOSQA ALLI KAWAKUNAPAQMI KAMAMARQUNTSIK

“Patsachöqa alli nunakunallam täräyanqa, y tsëchömi imëkamayaqpis kawayanqa” (Salmus 37:29).

¿Imatataq Diosqa nunakunapaq munan?

  • Genesis 1:28

    Nunakuna Patsata shumaqyätsiyananta y animalkunata cuidayänantam Diosqa munarqan.

  • Isaïas 46:9-11; 55:11

    Diosqa munanqantam cumplinqa, y manam imapis michanqatsu.

2 DIOSTSU MANAM NUNAKUNATAQA GOBERNËKAN

“Mana cäsukoq nunakunaqa Satanaspa makinchömi këkäyan” (1 Juan 5:19).

¿Pitaq entëru Patsachö nunakunata gobernëkan?

  • Juan 12:31

    Mana cäsukoq nunakunapa gobernaqnin Diablu kanqantam, Jesusqa nirqan.

  • Santiägu 1:13-15

    Mana kikimpa kaqtam Diabluqa munarqan.

  • Genesis 2:17; 3:1-6

    Ëvatam Diabluqa engañarqan. Adanwan Ëvaqa Diostam cäsuyarqantsu tsëmi wanuyarqan.

  • Romänus 3:23; 5:12

    Adan jutsata ruranqanrëkurmi noqantsikpis wanuntsik.

  • 2 Corintius 4:3, 4

    Diablum nunakunataqa engañëkan.

3 DIOSPA GOBIERNUNMI MANA ALLIKUNATA ALTSAMUNQA

“Gobiernïki shamutsun. [...] Patsachö munëniki rurakätsun” (Mateu 6:10).

¿Imataraq Jehovä ruranqa munënin cumplikänampaq?

  • Daniel 2:44

    Diospa Gobiernunmi kë Patsachö gobiernukunata ushakätsinqa.

  • Revelacion 16:14-16

    Armagedon nishqan guërrachömi Diosqa mana alli nunakunata ushakäratsinqa.

  • Isaïas 9:6, 7

    Jehoväqa, Jesustam akrashqa ciëluchö këkaq Gobiernumpa Reynin kanampaq. Tsëmi kë Patsachöqa Jesus gobernamunqa.

4 DIOSPA GOBIERNUNMI KË PATSATAQA SHUMAQYÄTSIMUNQA

“Makikita kicharmi llapan kawaqta munanqanwan bendicinki” (Salmus 145:16).

¿Imatataq Diospa Gobiernun noqantsikrëkur ruramunqa?

  • Salmus 46:9

    Chikinakï, guërrakuna y wanutsinakïkunaqa mananam kanqanatsu.

  • Isaïas 32:18; 65:21-24

    Shumaq Patsachöqa llapantsikpis yamëmi kawakushun, shumaq wayiyoq y shumaq huertayoqmi kashun.

  • Salmus 72:16

    Llapankunapaqmi mikïpis kanqa.

  • Isaïas 11:6-9

    Animalkunawan nunakunapis yamë y shumaqmi kawakuyanqa.

  • Isaïas 33:24; Hëchus 24:15

    Manam pipis qeshyanqanatsu, y wanushqakunam kawariyämunqa.