Llapan kanqanman ëwari

Qateqnin kaqman ëwë

Qallananchö tïtulukunaman ëwë

Jehoväpa testïgunkuna

Quechua (Ancash)

¿Imatataq Biblia yachatsimantsik? Librupa ichikllachö willakïninkuna

11. ¿Imanirtaq jipakïkunata Dios rikaran?

11. ¿Imanirtaq jipakïkunata Dios rikaran?

1 JIPAKÏKUNAPITAQA MANAM JEHOVÄTSU CULPAYOQ

“¡Mana alli rurëkuna, y mana kaqpita sufritsikïqa Llapanta Puëdeq rasumpëpa Diospita karuchömi këkan!” (Job 34:10).

¿Imanirtaq tsëläya jipakïkuna kan?

  • 1 Juan 5:19

    Mana cäsukoq nunakunaqa Diablupa makinchömi këkäyan.

  • Eclesiastes 8:9

    Nunakunaqa nuna mayinkunatam alläpa jipatsiyan.

  • Eclesiastes 9:11

    Höraqa jipakïkunapa pasantsik mana alli sitiuchö y mana alli tiempuchö këkarmi.

  • 1 Pëdru 5:7

    Diosqa alläpam kuyamantsik y pasanqantsikta rikarmi alläpa llakikun.

2 JEHOVÄQA MANA ALLI GOBERNANTI KANQANTAM SATANASQA NIRQAN

“Diosqa musyanmi [...] nawikikuna kichakäriptin Diosnö alli kaqta y mana alli kaqta reqir kayänëkita” (Genesis 3:5).

¿Imanirtaq Satanastaqa tsë hörallatsu Jehovä ushakäratsirqan?

  • Genesis 3:2-5

    Diosqa mana alli Gobernanti kanqantam Diabluqa nirqan. Nunakuna kikinkuna ima alli kanqanta o mana alli kanqanta decidiyänampaq derëchuyoq kayanqanta pensayänantam Satanasqa munarqan. Tsëmi Diosqa juk tiempu pasananta jaqirqan Diablu ulikoq (llullakoq) kanqanta rikätsikunampaq.

  • Job 38:7

    Diabluqa millonyëpayan angelkunapa nöpanchömi Jehoväta acusarqan.

3 DIABLU ULIKOQ KANQANMI ALLEQ MUSYAKÄRIN

“Manam pureq nunapa makinchötsu këkan kikinllapita purinan” (Jeremïas 10:23).

¿Imanirtaq nunakunaqa atska tiempupana jipëkäyan?

  • Isaïas 55:9

    Nunakunaqa tukïläya gobiernukunatam reqiyashqa, peru Jehovä mana yanapaptinqa manam puëdiyantsu alli gobernëta.

  • 2 Pëdru 3:9, 10

    Jehoväqa raslla mana piñakoqmi, tsëmi alleq reqinapaq y Gobernamaqnintsiktanö akranapaq tiemputa qomashqantsik.

  • 1 Juan 3:8

    Dios Yayaqa tsurin Jesucristuwanmi Diablupa rurëninta ushakätsimunqa.

4 JEHOVÄTA SIRWINËKIPAQ AKRARNINQA ALLITAM RURANKI

“Yachaq kë wamrallä [...] qallapämar burlakëkämaqnïta contestanäpaq” (Proverbius 27:11).

¿Imanirtaq Jehoväqa sirwinapaq obligamantsiktsu?

  • Proverbius 30:24

    Animalkunaqa manam kikinkunallapitaqa imatapis akrëta puëdiyantsu. Peru noqantsiktaqa Jehovämi imatapis akranapaq jaqimantsik. Tsëmi sirwinapaq o mana sirwinapaqpis akrëta puëdintsik.

  • Mateu 22:37, 38

    Kuyarnin sirwinantsiktam Jehoväqa munan.