Llapan kanqanman ëwari

Qateqnin kaqman ëwë

Qallananchö tïtulukunaman ëwë

Jehoväpa testïgunkuna

Quechua (Ancash)

¿Imatataq Biblia yachatsimantsik? Librupa ichikllachö willakïninkuna

16. Diosllata sirwinëkipaq churapakë

16. Diosllata sirwinëkipaq churapakë

1 MANA ALLI RELIGION RURANQANTAQA AMA RURASHUNTSU

“‘Pëkunapita yarqukuriyë, y rakikäkuriyë —ninmi Jehovä—, y rakcha cösaskunata yatëta jaqiyë’; ‘y noqam chaskiyashqëki’” (2 Corintius 6:17).

¿Imanirtaq wanushqakunata ni imäginkunata adorashwantsu?

  • Exodu 20:4, 5; 1 Juan 5:21

    Jehoväqa manam munantsu pëta adorarnin imäginkunata utilizänata.

  • Deuteronomiu 18:10-12

    Wanushqakunawan parlaqkunaqa supëkunawanmi parlëkäyan.

2 DIOSPAQQA MANAM LLAPAN FIESTAKUNATSU ALLI KAYAN

“Señorpa rikënimpaq ima alli kanqanta segurakurnin sïguiyë” (Efesius 5:10).

¿Imatataq cuentaman churanëki juk fiestaman ëwanëkipaq o mana ëwanëkipaq kaqta decidinëkipaq?

  • Ezequiel 44:23; 2 Corintius 6:14, 15

    Alleqraq musyë tsë fiesta imarëkur rurakanqanta y mëpita yarqamunqanta.

  • Exodu 32:2-10

    Itsa wakinkunaqa fiestata rurayanqanta allitanö rikäyan, peru Diostaqa itsa gustantsu.

  • Daniel 3:1-27

    Nunakuna patsätsiyanqan costumbrinkunata, nacionta precisaqpaq rikätsikoq cösaskunata y nunakunata adorëpaq fiestakunataqa manam ruranëkitsu.

  • 1 Timoteu 1:18, 19

    Imatapis manaraq rurar alleqraq pensë. Tsënöpam Jehoväpa rikëninchö limpiu concienciayoq kanki y alli sientikunki.

3 SHUMAQLLAPAM BIBLIA NINQANTA YACHATSINANTSIK

“Parlakïnikikuna imëpis shumaq katsun, kachiwan kachitashqanö, tsënöpa cada nunata imanö contestëta yachayänëkipaq” (Colosensis 4:6).

¿Imanötaq wakinkunata yachatsinkiman Biblia ninqanta?

  • Mateu 7:12

    Imanömi decidinqëkita respetayänanta munanki, tsënöllam qampis wakinkuna decidiyanqanta respetanëki.

  • 2 Timoteu 2:24

    Creinqëkikunapita shumaqllapa yachatsikï y ama pleytukïtsu.

  • 1 Pëdru 3:15

    Shumaqllapa y respëtuwan creinqëkita rikätsikuri.

  • Hebrëus 10:24, 25

    Reunionkunachöqa shumaqmi yachatsiyäshunki y mana alli yachatsikïkunawan pantatsiyäshïnikita munayaptimpis, creinqëkikunapita alli entienditsikunëkipaqmi yachakunki.