Llapan kanqanman ëwari

Qateqnin kaqman ëwë

Qallananchö tïtulukunaman ëwë

Jehoväpa testïgunkuna

Quechua (Ancash)

¿Imatataq Biblia yachatsimantsik? Librupa ichikllachö willakïninkuna

18. ¿Änikümantsuraq Diosllatana sirwinäpaq y bautizakunäpaq?

18. ¿Änikümantsuraq Diosllatana sirwinäpaq y bautizakunäpaq?

1 PRECISANKU BAUTIZAKÏ

“¡Rikë! Këchömi yaku kan; ¿imataq michäkun bautizashqa kanäta?” (Hëchus 8:36).

¿Imanirtaq y imanötaq bautizakunantsik?

Bautizakurirqa unë mana alli kawakunqantsikta chipyëpa jaqinqantsikta, y tsëpita patsëqa Jehovä munanqannöna kawar qallanqantsiktam rikätsikuntsik.

  • Mateu 28:19, 20

    Jehoväta sirwinapaqqa bautizakunantsikmi.

  • Salmus 40:8

    Diosta sirwita munanqantsiktam bautizakurqa rikätsikïkantsik.

  • Mateu 3:16

    Pipis bautizakuptinqa, llapan cuerpunmi yakuman tullpukänan. Jesus bautizakunqannölla.

2 JEHOVÄQA RURËTA PUËDINQANTSIKLLATAM MAÑAMANTSIK

“Porqui këmi Diosta kuyëqa: mandakïninkunata wiyakï; y tsënö kaptimpis, mandakïninkunata wiyakïqa manam alläpa sasatsu” (1 Juan 5:3).

¿Imanirtaq Jehoväta sirwinapaq änikïtaqa mantsashwantsu?

  • Salmus 103:14; Isaïas 41:10

    Manam jutsannaq nunaraqtsu kanantsik Jehovällata sirwinapaqqa. Porqui pëmi yanapamäshun alli kaqta ruranapaq.

  • Colosensis 1:10

    Jehoväta shonqupita patsë kuyanqantsikmi yanapamäshun, sirwita mana mantsanapaq.

3 MANARAQ BAUTIZAKURMI KËKUNATA RURANANTSIK

“Teyta Diosllä, munanqëkita rurarmi alläpa kushikurqö, y shonqüpa rurinchömi leynikikuna këkan” (Salmus 40:8).

¿Imakunatataq ruranantsik manaraq bautizakurnin?

  • Juan 17:3

    DIOSPA PALABRAMPITAM YACHAKUNANTSIK

    Jehovätawan Jesucristutam alleq reqinantsik. Y pëkunapita mas yachakurqa masmi kuyashun.

  • Hebrëus 11:6

    MARKÄKUNANTSIKMI

    Diosnintsik llapan änikunqanta cumplimunampaq kaqman y Jesucristu noqantsikrëkur wanunqan jutsapita y wanïpita salvamanqantsikmanmi paqwë markäkunantsik (yärakunantsik).

  • Hëchus 3:19

    ARREPENTIKUNANTSIKMI

    Diosta manaraq reqirnin mana allikunata ruranqantsikkunapitam alläpa llakikunantsik.

    JUKLÄYANAM KAWAKUNANTSIK

    Mana alli ruranqantsikkunatam chipyëpa jaqinantsik y alli kaqllatanam ruranantsik.

  • 1 Pëdru 4:2

    DIOSLLATANA SIRWINAPAQMI ÄNIKUNANTSIK

    Jehovällata sirwinapaq änikïqa, shonqupita patsë mañakïmi. Tsë mañakïchöqa pëllatana adoranapaq y kawënintsikchö pëllatana sirwi mas precisaq kanqantam Diosta änikuntsik.