Llapan kanqanman ëwari

Qateqnin kaqman ëwë

Qallananchö tïtulukunaman ëwë

Jehoväpa testïgunkuna

Quechua (Ancash)

Rasumpëpaqa, ¿imatataq Biblia yachatsikun?

 APÉNDICE

Jesucristu, Dios änikonqan Mesías

Jesucristu, Dios änikonqan Mesías

JEHOVÁ DIOSMI Biblia qellqaq profëtankunata willarqan, Salvamänapaq änikonqan Mesiaspita qellqayänampaq. Yurinanta, willapäkur purinanta y wanunantapis qellqashqa kayaptinmi  fácil-lla reqinan. Tsë profecïakunachö llapan qellqarëkaqmi Jesuschö chipyëpa cumplikarqan. Tsetaqa rikärishun yurikïnin y wambra kënin profecïakunata leirninmi.

Mesiasqa Davidpa kastampitam kanqa, nerqanmi profeta Isaías (Isaías 9:7). Awmi, Jesusqa rey Davidpa kastampitam karqan (Mateo 1:1, 6-17).

 Profeta Miqueasnam, “Belén Efrata” nishqanchömi yurenqa y gobernante këmanmi chanqa nerqan (Miqueas 5:2). Jesus yurinan tiempochöqa ishkë markakunam Belen shutiyoq kayarqan Israelchö. Nazaret norte lädonmampam këkarqan hukqa, y huknin kaqnam Judächö Jesuralén lädonmampa. Jerusalén lädonmampa kaqtaqa Efrata nishpam reqiyanaq unë tiempochö. Y tsëchömi Jesus yurikorqan, profecía nenqannö (Mateo 2:1).

Huk kaq profecïanam, Diosqa “Egiptocho” këkaqtam Tsurinta qayamonqa nikarqan. Tsënömi karqan, llullullaraq Jesus këkaptinmi Egiptoman apayarqan, tsëpita rey Herodes wanuriptinnam markanta kutiratsiyarqan. Tsënömi kë profecía cumplikärerqan (Oseas 11:1; Mateo 2:15).

 Mesiaspaq profecïakuna” neq recuadruchömi tarinki profecïakunata, tsëchömi Mesïasta reqiyänampaq willakoq textukuna kan. Tsëmi “cumplimiento” nishqantawan igualatsinëkipaq animayaq. Tsënöpam más seguro kanki Diospa Palabranqa rasumpëpa kanqanta.

Kë profecïakunata estudiarqa yarpänëkim waranqëpayan watakuna Jesus yurinampaq pishikaptin qellqakanqanta. Tsëmi kikin Jesuspis nerqan: “Queno pasamänantaqa, qamcunawan quecarmi, willayarqaq Diospa profetancuna, Moises escribishqan leycuna, y salmu libruchopis noqapaq escribirëcanqan cumplicänan cashqanta” nishpa (Lucas 24:44). Kikikipa Bibliëkichö rikanqëkinömi kë profecïakunaqa chipyëpa cumplikäriyarqan.