Llapan kanqanman ëwari

Qateqnin kaqman ëwë

Qallananchö tïtulukunaman ëwë

Jehoväpa testïgunkuna

Quechua (Ancash)

Biblia willakunqampita shumaq yachatsikïkuna

7 kaq willakïkunachö imakunapaq parlanqan

7 kaq willakïkunachö imakunapaq parlanqan

Kë willakïkunachöqa rey Saulpita y rey Davidpitam yachakushun, 80 wata rurin pasanqankunapita. Puntataqa humildi y wiyakoqmi Saulqa karqan. Peru tsëpitaqa mana wiyakoqmi tikrakurirqan. Tsëmi Jehoväqa shonqumpita jorqarirqan, y Samueltam nirqan Davidna rey kanampaq kaqta. Saulqa chikiparmi Davidta wanutsita munarqan. Peru Davidqa manam vengakurqantsu. Saulpa tsurin Jonatanqa musyarqanmi Davidtana Jehovä akranqanta, tsëmi pëman qaqarqan. Davidqa jatun jutsakunatam rurarqan, peru alli portakunampaq Jehovä yachatsinqantaqa chaskikurqanmi. Wamrëkikuna kaptinqa, yachatsi Diosnintsik decidinqankunata respetanantsik precisanqanta.

EN ESTA SECCIÓN

39 KAQ WILLAKÏ

Israelpa punta kaq reynin

Jehoväqa israelïtakunata pushanampaqmi juezkunata churarqan, peru israelïtakunaqa reyyoq këtam munayarqan. Samuelqa Saultam akrarqan punta kaq rey kanampaq, peru Jehoväqa shonqumpitam jorqarirqan, ¿imanir?

40 KAQ WILLAKÏ

Davidwan Goliat

Davidtanam Jehoväqa akrarqan Israelpa reynin kanampaq, y Davidqa alli gobernëta yachanqantam rikätsikurqan.

41 KAQ WILLAKÏ

Davidwan Saul

Juk malafë nunam juk alli nunata chikirqan. Y ¿imatataq alli kaq nunaqa rurarqan?

42 KAQ WILLAKÏ

Mana mantsakoq y mana jaqikoq Jonatan

Reypa tsurinwan Davidqa alli amïgum tikrayarqan.

43 KAQ WILLAKÏ

Rey Davidqa jatun jutsatam rurëkurqan

Mana allita decideqkunaqa imëka problëmakunamanmi chäyan.