Llapan kanqanman ëwari

Qateqnin kaqman ëwë

Qallananchö tïtulukunaman ëwë

Jehoväpa testïgunkuna

Quechua (Ancash)

Biblia willakunqampita shumaq yachatsikïkuna

 10 KAQ WILLAKÏ

Yarpë Lotpa warminta ima pasanqanta

Yarpë Lotpa warminta ima pasanqanta

Lotqa tiyun Abrahanwanmi Canaan nishqan sitiuchö täräyarqan. Peru ishkampa animalninkuna alläpa miraptinmi llapampaqqa tsë sitiu tinkurqannatsu. Tsëmi Abrahanqa Lot-ta kënö nirqan: “Juk sitiullachö këtaqa mananam puëdintsiknatsu. Akrakuri mëpa ëwanëkipaq kaqta, y noqaqa juknin kaq lädupam ëwakushaq”. ¿Alläpa alli nunam Abrahanqa karqan aw?

Lotqa juk alläpa shumaq sitiutam rikärirqan, atska yakuyoqta y verdiräkoqta. Tsëmi tsë sitiuta akrarqan, y tsëchö täraqmi familianwan ëwakuyarqan, Sodöma nishqan sitiupa amänunman.

Sodömachö y Gomörrachöqa alläpa mana allim nunakuna kayaq. Alläpa mana alli kayaptinmi Jehoväqa ushakätsinampaq decidirqan. Peru Lot-tawan familiantaqa salvëtam munarqan, tsëmi ishkë angelkunata kacharqan kënö niyänampaq: “¡Jinan höra kë markapita ras ëwakuyë! ¡Jehovämi ushakätsinqa!”.

Peru Lotqa manam jinan höratsu yarqurqan. Tsëmi angelkunaqa pëta, warminta y ishkan warmi wamrankunata makipita tsarirkur tsë markapita ëqipa jorqayarqan. Nïkurmi kënö niyarqan: “¡Ëqiyë! ¡Mana wanuyänëkipaq escapakuyë, y ama qepamanqa rikäyankitsu! Porqui qepaman rikarqa wanuyankim”.

Zoar markaman chäriyanqanllachömi Jehoväqa Sodömaman y Gomörraman ninata y azufrita tamyatsirqan. Tsë ishkan markakunaqa chipyëpam ushakäyarqan. Y Lotpa warminqa Jehoväta mana wiyakurmi  qepaman rikëkurqan, tsëmi kachi ruriman tikrarirqan. Peru Lotwan warmi wamrankunaqa wiyakoq karmi salvakuyarqan. Alläpa llakishqachi sientikuyarqan Lotpa warmin mana wiyakunqampita, peru tsënö kaptimpis, kikinkunaqa Jehoväta wiyakushqa karmi alli sientikuyarqan.

“Yarpäyë Lotpa warminta ima pasanqanta” (Lücas 17:32).