Llapan kanqanman ëwari

Qateqnin kaqman ëwë

Qallananchö tïtulukunaman ëwë

Jehoväpa testïgunkuna

Quechua (Ancash)

Biblia willakunqampita shumaq yachatsikïkuna

 8 KAQ WILLAKÏ

Abrahanwan Säraqa wiyakoqmi kayarqan

Abrahanwan Säraqa wiyakoqmi kayarqan

Babelpita mana alläpa karuchömi juk marka karqan, Urmi jutin karqan. Tsëchö nunakunaqa manam Jehovätatsu adorayaq, sinöqa mëtsika dioskunatam. Peru juk nunam sïqa Jehoväta adoraq, jutinqa Abrahanmi karqan.

Jehoväqa kënömi nirqan Abrahanta: “Wayikita y familiëkikunata jaqirïkur ëwakï, y noqam mëman ëwanëkipaq kaqta rikätsishqëki”. Tsëpitanam, “juk jatun nacion këmanmi chanki. Y qamwanmi entëru patsapita nunakunapaq imëka allikunata rurashaq” nishpa änirqan.

Abrahanqa manam musyarqantsu mëman ëwananta Jehovä munanqanta, peru pëmanmi confiakurqan. Abrahan, warmin Sära, papänin Tarë y sobrinun Lotqa Diostam wiyakuyarqan. Cösasninkunata alistarkurmi viajar qallëkuyarqan.

 Jehovä rikätsita munanqan sitiuman familianwan chäyänan witsampaqqa, Abrahanqa 75 watayoqnam karqan. Tsë sitiupaqa Canaanmi jutin karqan. Tsëchömi Jehoväqa kënö nir änirqan: “Kë rikëkanqëki sitiutaqa wamrëkikunatam qoshaq”. Peru Abrahanwan Säraqa edänam kayarqan, y manam wamrankuna karqantsu. ¿Y imanötaq Jehoväqa äninqanta cumplirqan?

“Markäkurmi Abrahanqa [...] wiyakur yarqurqan herenciatanö chaskinampaq kaq sitiuman; mëta ëwanampaq kaqta mana musyëkarpis, yarqurqanmi” (Hebrëus 11:8).