Kë willakïkunachöqa yachakushun Griëgu Idiömachö Qellqayanqan Diospa Palabrampitam. Jesusqa waktsa familiachö yurikunqanta y carpintëru teytanwan trabajanqantam rikäshun. Jesustaqa nunakunata salvanampaqmi Jehovä kachamurqan. Y ciëluchö Gobiernupa Reynin kanampaqmi akrarqan. Wamrëkikuna kaptinqa, Jesusta shumaq cuidayänampaq juk alli familiata Jehovä akranqanta yachatsi. Jina Jesusta Herödis wanutsita munaptin Jehovä imata ruranqanta yachatsi. Manam imapis michëta puëdintsu munëninta Jehovä cumplinanta. Jina yachatsi Jesuspaq nänita alistanampaq Juanta Jehovä akranqanta, y Jesusqa wamra kanqampita Jehoväpa yachaq këninta y consëjunkunata alläpa precisatsinqanta, y kikimpa pensëninmanqa mana confiakunqanta.