Llapan kanqanman ëwari

Qateqnin kaqman ëwë

Jehoväpa testïgunkuna

Quechua (Ancash)

¿Imanöraq shamoq tiempu kanqa?

¿Imanöraq shamoq tiempu kanqa?

¿Patsachö kawënintsikqa . . .

  • . . . igual-llatsuraq këkanqa?

  • . . . peoranqatsuraq?

  • . . . alliyanqatsuraq?

 BIBLIA YACHATSIKUNQAN

‘Mananam waqayanqanatsu ni llaquiyanqanatsu, ni imancunapis nananqanatsu, ni wanuyanqanatsu. Porqui tse sufrimientucunataqa Diosmi ushacäratsinqa.’ (Apocalipsis 21:4, Teyta Diospa Mushoq Testamentun.)

¿IMANÖTAQ KËTA MUSYANQANTSIK YANAPAMÄSHUN?

Alli y kushikïpaq trabäjum kapamäshun (Isaïas 65:21-23, Traducción del Nuevo Mundo).

Manam ni ima cläsi llakikï, jipakï (ñakay) ni qeshya kanqanatsu (1 Corintius 15:54; Apocalipsis 7:17).

Kastantsikkunawan y amïguntsikkunawanmi kushishqa imëyaqpis kawakushun (Mateu 5:5; 1 Juan 2:17).

 ¿BIBLIA NINQANMAN CREISHWANTSURAQ?

Awmi, y këkunarëkur:

  • Diosqa awnikunqanta cumplita puëdinmi. Bibliachöqa Jehovä Diosllatam “Alläpa puëdeq” nishpa qayan, mana ushakaq Poderyoq kaptin (Apocalipsis 15:3). Tsëmi, kë Patsachö llapanta awnikunqannö cambianampaqqa pëlla Poderyoq. Biblia ninqannöpis, “Diospaqqa manam imapis sasatsu” (Mateu 19:26).

  • Diosqa awnikunqanta cumplita munanmi. Tantiyarinapaq, Bibliaqa nin wanushqakuna kawariyämunanta Jehovä munanqantam (Juan 11:41-44).

    Jina rikätsikun Diospa Tsurin Jesus qeshyaqkunata jampinqantam. ¿Imanirtaq tsëtaqa rurarqan? Kuyakurninmi (Marcus 1:40, 41). Teytanqa mas necesitädukunatam yanapëta munan, y Jesuspis Teytan ruranqannöllam rurëta munan (Juan 5:19).

    Tsëmi, pasëpa següru këkantsik shamoq tiempuchö kushishqa kawakunantsikpaq Jehoväwan Jesus yanapamënintsikta munayanqanta (2 Pëdru 3:9).

 KËTA TAPUKÏ

¿Imanöraq Diosnintsik kë Patsata altsaramunqa?

Respuestantaqa tarinki kë textuchömi MATEU 6:9, 10.