Llapan kanqanman ëwari

Qateqnin kaqman ëwë

Jehoväpa testïgunkuna

Quechua (Ancash)

¿Pitaq kë munduta gobernëkan?

¿Pitaq kë munduta gobernëkan?

¿Pï ninkimanraq?

  • ¿Diostsuraq?

  • ¿Nunakunatsuraq (runakunatsuraq)?

  • ¿Pipis mana musyanqantsiktsuraq?

 BIBLIA YACHATSIKUNQAN

‘Que munduqa diablupa muneninchomi quecan.’ (1 Juan 5:19, Teyta Diospa Mushoq Testamentun.)

“Tsemi Jesucristu Diospa Tsurin shamorqan diablupa rureninta ushacäratsinanpaq.” (1 Juan 3:8.)

¿IMANÖTAQ KËTA MUSYANQANTSIK YANAPAMÄSHUN?

Entëru Patsachö problëmakuna imanir pasanqantam musyashun (Apocalipsis 12:12).

Kë mundu altsakänampaq kaqmanmi markäkushun (yärakushun) (1 Juan 2:17).

 ¿BIBLIA NINQANMAN CREISHWANTSURAQ?

Awmi, y këkunarëkur:

  • Satanaspa gobiernunqa ushakanqam. Jehoväqa chipyëpam kë munduta gobernëkaq Satanasta ushakäratsinqa. Pëqa awnikun ‘diablupa poderninta ushacäratsir’ llapan mana alli ruranqankunata altsamunampaqmi (Hebrëus 2:14).

  • Diosqa Jesucristutam kë munduta gobernanampaq akrashqa. Jesusqa alläpa jukläyam kë munduchö kikinkunallapaq imatapis asheqkunapitaqa. Jesus Gobiernunchö ruranampaqmi Dios këta awnikushqa: ‘Wactsacunata alli willaquita willapänampaq, llaquishqacunata cushitsinampaq, presu cuenta caquicaqcunata libranampaq, wiscucunata cachacätsinampaq, y ancupëpaq sirwipacoqcunata libranampaq’ (Lücas 4:18).

  • Diosqa manam ulikuntsu (llullakuntsu). Bibliaqa clärum nin: “Diosqa manam ulicuntsu” (Hebrëus 6:18). Jehovä imatapis awnikurninqa, cumplinmi (Romänus 3:4). Tsëmi kë munduchö ‘mandacoq diabluta bensinampaqpis’ awnikushqa (Juan 12:31).

 KËTA TAPUKÏ

¿Imanöraq kë mundu kanqa Satanas manana gobernaptin?

Respuestantaqa tarinki kë textuchömi APOCALIPSIS 21:3, 4.