Llapan kanqanman ëwari

Qateqnin kaqman ëwë

Qallananchö tïtulukunaman ëwë

Jehoväpa testïgunkuna

Quechua (Ancash)

Kushishqa këta familiëki puëdinmi

 5 KAQ YACHATSIKÏ

Familiëkikunawan shumaq kawakuyänëkipaq

Familiëkikunawan shumaq kawakuyänëkipaq

“Jucniqui jucniquipis [...] umildi qollmi shonquyoqna car, imachopis pasensiacoq cayänequi.” (Colosensis 3:12)

Casakurirqa juk mushoq familiayoqnam tikrarinki. Teytëkikunata kuyëta y respetëtaqa manam imëpis jaqinkitsu, peru kananqa llapampitapis mas precisaqqa majëkim kanqa. Itsa wakin familiëkikunapaqqa tsënö kanqanta entiendiyänan sasaraq (ajaraq) kanqa. Peru Bibliapa musyatsikïninkunam yanapashunki, pëkunawan y majëkiwan shumaq kawakunëkipaq.

 1 YACHËWAN FAMILIËKUNATA TRATË

BIBLIA YACHATSIKUNQAN: “Taytayquitawan mamayquita shumag cäsurnin respetanqui” (Efesius 6:2, NTCN). Ëka watayoq karnimpis teytëkikunataqa respetëkänëkillam. Peru yarpänëkim majëkipis teytankunapaq tiemputa jorqanampaq kaqta. Kuyakoqqa mana imatapis kikinllapaqtsu munan, tsëmi ama imëpis pensëtsu familianwan majëki tiemputa pasanqan casädu kawakïnikita ushakätsinanta (1 Corintius 13:4; Gälatas 5:26).

ITSA KËNÖ RURANKIMAN:

  • Ama kënö nitsu: “Familiëkiqa imëpis noqapaq mana allillatam parlan” o “Imata ruranqäpis mamëkita manam imëpis gustantsu”

  • Majëki imanö sientikunqanta entiendita procurë

 2 PRECISAPTINQA KUYAKÏWAN NINQËKITA VÄLITSI

BIBLIA YACHATSIKUNQAN: “Ollquqa jaqirinqa mamanta y teytanta warminwan juntakänampaq. Y ishkankunapis juk ëtsallanam kayanqa” (Genesis 2:24). Casakuriptikipis, itsa teytëkikunaqa qampaq unënölla yarpachakurnin casädu kawakïnikiman mëtikamïta munayanqa.

Familiëkikuna mëyaqlla mëtikayämunampaq kaqta ishkëki decidiyë y pensayanqëkita kuyëllapa pëkunata musyatsiyë (Proverbius 15:1). Humildi y pacienciayoq kayanqëkim yanapayäshunki familiëkikunawan “jucniqui jucniquipis pasensianacur” shumaq kawakuyänëkipaq (Efesius 4:2).

ITSA KËNÖ RURANKIMAN:

  • Familiëkikuna kawënikikunaman alläpa mëtikayämunqan yarpakachätsishuptikiqa, allim kanman majëkiwan shumaq parlariyanqëki

  • Tsë asuntuta imanö altsayänëkipaq kaqta decidiyë