Llapan kanqanman ëwari

Qateqnin kaqman ëwë

Qallananchö tïtulukunaman ëwë

Jehoväpa testïgunkuna

Quechua (Ancash)

¿Pikunataq Jehoväpa munëninta rurëkäyan?

 12 KAQ YACHATSIKÏ

¿Imanö churanakushqataq këkäyä yachatsikuyänäpaq?

¿Imanö churanakushqataq këkäyä yachatsikuyänäpaq?

Espäña

Bielorrusia

Hong Kong

Perü

Manaraq wanurmi Jesusqa kënö nirqan: “Llapan nunacunata alli willaquinïta willayänequi[m] presisan; tsenopa nunacuna Diospa mandaquininman yecuyänanpaq, y jinantin [entëru] nasioncunacho tse alli willaquita musyariyaptinnam, que patsapa ushenin chäramonqa” (Mateu 24:14). ¿Imanöraq entëru Patsachö yachatsikuyanman karqan? Jesus Patsachö këkar ruranqannölla rurarmi (Lücas 8:1).

Wayinkunamanmi nunakunata watukayä. Jesusqa alli willakïta wayin wayin yachatsikuyänampaqmi discïpulunkunata yachatsirqan (Mateu 10:11-13; Hëchus 5:42; 20:20). Kë punta yachatsikoqkunataqa mëyaq yachatsikuyänampaq kaqtapis Jesus willarqanmi (Mateu 10:5, 6; 2 Corintios 10:13). Tsënöllam kanan witsampis yachatsikuyänäpaq alli churanakushqa këkäyä, y cada congregacionpam mëyaq yachatsikuyänampaq territoriunkuna kan. Tsënöpam Jesus mandayämanqan yachatsikïta “maytsaychö” nunakunata (runakunata) yachatsir cumplikäyä (Hëchus 10:42, NTCN).

Më tsëchö taräyanqanmanmi chëta procurayä. Jesusqa yachatsikurqan nunakuna kayanqanchömi, lamar kuchunkunachö o pösupita yakuta jorqayänankunachö (Marcus 4:1; Juan 4:5-15). Noqakunapis tsënöllam Bibliapita më tsëchö yachatsikuyä: cällikunachö, rantikuyanqankunachö, parquikunachö o telëfonupapis. Jina Diosman creiyanqäpita yachatsiyämi vecïnökunata, trabajaq y estudiaq mayïkunata y kastäkunatapis. Tsënöpam “salvakuyänampaq alli willakïta” më tsëman chätsiyashqä (Salmu 96:2).

Pillatapis Diospa Gobiernumpita willarinëkipaq y shamoq tiempuchö imanö yanapanampaq kaqman pensari. Kë alli willakïta ama kikikillapaqqa pakarätsitsu. Sinöqa pï mëtapis willari.

  • ¿Ima ‘alli willaquitataq’ yachatsikunantsik?

  • ¿Imanötaq Jehoväpa testïgunkunaqa Jesusnölla yachatsikïkäyä?