Llapan kanqanman ëwari

Qateqnin kaqman ëwë

Qallananchö tïtulukunaman ëwë

Jehoväpa testïgunkuna

Quechua (Ancash)

¿Pikunataq Jehoväpa munëninta rurëkäyan?

 22 KAQ YACHATSIKÏ

¿Imatataq sucursal wayichö rurayan?

¿Imatataq sucursal wayichö rurayan?

Islas Salomon

Canadä

Sudafrica

Familia Betelqa juk nacionchö o maschö Diospa Gobiernumpita yachatsikuyänanrëkurmi tukï trabäjukunachö yanapakuyan, juk idiömaman tikratsirnin, imprimirnin, encuadernarnin, publicacionkunata guardarnin o wiyana y rikäna grabacionkunata rurarnin y maskunachöpis.

Sucursalta Rikaqkunam llapan trabäjukunata rikäyan. Jehoväpa Testïgunkunata Pushaqkunam sucursalta rikäyänampaq kima o mas alli yachaq anciänukunata churayan. Pëkunam musyatsiyan imakunachö avancëkäyanqanta y ima problëmakuna pasakunqantapis, tsëmi Jehoväpa Testïgunkunata Pushaqkunata yanapan imapaq parlaq publicacionkunata jorqayämunampaq, reunionkunachö y asamblëakunachö imapita yachatsikayämunampaqpis. Cada tiemputam, Jehoväpa Testïgunkunata Pushaqkunaqa, jutinchö sucursalkunata watukaq cristiänukunata mandan sucursalkunata visitanampaq y trabäjunkunata alli cumpliyänanrëkur Sucursalta Rikaqkunata mas yanapanampaq (Proverbius 11:14). Tsë visïtachömi juk asamblëa rurakan, y sucursalta watukaq cristiänunam juk shumaq discursuta ruran sucursal këkanqan sitiuchö llapan congregacionkunapaq.

Congregacionkunatam yanapan. Sucursalmi mushoq congregacionkuna kanampaq rikan. Jina precursorkunapa, misionërukunapa y congregacionkunata watukaq cristiänukunapa trabäjunkunatapis rikanmi. Jinamampis asamblëakunatam alistayan, Yachatsikuyänan Wayikunata rurayänampaq rikäyan y congregacionkunaman publicacionkunata apatsiyan. Sucursalchö llapan trabajayanqanqa yanapakun Diospa yachatsikïnin shumaq ordenädu më tsëmampis chänampaqmi (1 Corintios 14:33, 40).

  • ¿Imanötaq Sucursalta Rikaqkuna Jehoväpa Testïgunkunata Pushaqkunata yanapayan?

  • ¿Ima trabäjukunatataq sucursalchö rurayan?