Llapan kanqanman ëwari

Qateqnin kaqman ëwë

Qallananchö tïtulukunaman ëwë

Jehoväpa testïgunkuna

Quechua (Ancash)

¿Pikunataq Jehoväpa munëninta rurëkäyan?

 28 KAQ YACHATSIKÏ

¿Imataraq noqakunapita Internetchö tarinki?

¿Imataraq noqakunapita Internetchö tarinki?

Francia

Polonia

Rusia

Jesucristum discïpulunkunata kënö nirqan: “Lamparin actsicoq cuenta qamcunapis allicunata rurar cawacuyë. Tseno alli ruraq cayanqequita ricarmi, nunacuna sielucho quecaq Dios Yayantsicta alabecuyanqa” (Mateu 5:16). Tsëpaqmi kanan witsan Internetta utilisäyä. Jehoväpa testïgunkunaqa creiyanqäkunata y rurayanqäkunata churayänäpaqmi jw.org/que nishqan päginata rurayashqä. ¿Imakunatataq tsëchö tarinki?

Tukï tapukïkunapa respuestantam tarinki. Tsëchöqa pï më alläpa precisaq tapukïkunata rurakuyanqampa respuestantam tarinki. Tantiarinapaq, ¿Ushakanqatsuraq sufrimientukuna? y ¿Wanushqakuna kawariyämunqatsuraq? tratädukunataqa, Internetchö päginäkunapitam jorqëta puëdinki 600 idiömakunapitapis maschö. Jina Traducción del Nuevo Mundo nishqan Bibliatapis 130 idiömakunapitapis maschömi jorqëta puëdinki, y Bibliapita yachakunëkipaqpis atska yanapakïkunam kan, Rasumpëpaqa, ¿imatataq Biblia yachatsikun? libru y qepa yarqamoq Täpakoq y ¡Despertad! revistakuna. Kë publicacionkunataqa MP3, PDF o EPUB nishqanchömi Internetchö leyita, wiyëta o imprimita puëdinkim. Munarqa, Diospita yachakïta munaqkunapaq idiömanchö publicacionkunata imprimita puëdinkim. Jina kanmi jorqanëkipaq atska sëñas idiömachö vidëukuna, Bibliapita wiyanapaq tukïläya drämakuna, y alläpa shumaq müsicakunapis tiempïki kanqan hörakuna wiyanëkipaq.

Jehoväpa Testïgunkunapita willakïkuna. Internetchöqa yarqamunmi entëru Patsachö yachatsikuyanqäpita noticiakuna, y Testïgukunata ima pasayanqankuna y desgraciakuna kaptin yanapanakuyanqäpita vidëukunapis. Jina willakunmi asamblëakuna imë kanampaq kaqta, y sucursalman imanö qayakunapaqpis.

Internet kaptinmi aktsi cuenta Diospa Palabranqa nunakuna (runakuna) yachakuyänampaq më tsëman chëkan, hasta Antartidachö alläpa alalaq markakunamampis. Diostam mañakïkäyä ‘willaquinin meman tsemanpis raslla chärinampaq’, tsënöpa entëru Patsachö jutin alabashqa kanampaq (2 Tesalonicenses 3:1).

  • ¿Imanötaq yanapakun www.jw.org/que nishqan pägina nunakuna Bibliapita mas yachakuyänampaq?

  • ¿Imakunataraq yachakïta munankiman www.jw.org/que nishqan päginachö?