Llapan kanqanman ëwari

Qateqnin kaqman ëwë

Qallananchö tïtulukunaman ëwë

Jehoväpa testïgunkuna

Quechua (Ancash)

Diospa alli willakïninkuna

 6 kaq yachatsikï

¿Wanushqakuna kawariyämunqatsuraq?

¿Wanushqakuna kawariyämunqatsuraq?

1. ¿Wanushqakuna kawariyämunqatsuraq?

Juk kutim Jesus Patsachö këkaptin amïgon Lazaru wanukïkurqan. Pëqa Jerusalenpa Betania jutiyoq markanchömi tärarqan. Jesus chänampaqqa chusku junaqnam Lazaru wanushqa karqan. Difuntopa panin Marta y Mariawanmi Lazaru pamparanqanman Jesusqa ëwarqan, tsëllamannam atskaq nunakuna o runakuna juntakäriyarqan. Yarpakurkï, ¿imanöraq Martawan Maria kushikïkuyarqan turinta Jesus kawariratsimuptin?Lei Juan 11:21-24, 38-44.

Juk alli willakïqa wanushqakuna kawariyämunanmi. Martaqa musyarqannam wanushqakuna kawarimur Patsachö kawayänampaq kaqta Jehová awnikunqanta.Lei Job 14:14, 15.

2. ¿Mëchötaq wanushqakuna këkäyan?

Diosmi Adanta nirqan: “Allpam kanki y allpamanmi kutinki” (GÉNESIS 3:19).

Noqantsikqa ‘allpapita rurashqam’ kantsik (Génesis 2:7; 3:19). Manam tulluyoq y ëtsayoq cuerpopa rurinchö espïritutsu kantsik. Kawëkaq ëtsa y tullum kantsik, tsëmi wanurirqa ushakärintsik, y manam juk lädochö kawëkantsiktsu. Manam imatapis pensantsiknatsu, ni mäkuntsiknatsu o mayantsiknatsu. Tsëmi Lazaru kawariramurqa ni imata willakurqantsu.Lei Salmo 146:4 y Eclesiastés 9:5, 6, 10.

 Wakinkunaqa creiyan pipis wanuriptin Diosnintsik infiernochö sufritsinqantam, pero tsëqa manam rasumpatsu. Rikärinqantsiknöpis wanushqakunaqa manam imata musyayannatsu. Këchömi claro rikärintsik infiernoman creiqa mana alli kanqanta, Diosta mana allichö quedatsinqanta y pëqa manam tsëman ni ichikllapis pensantsu.Lei Jeremías 7:31.

3. ¿Wanushqakunawan parlëta puëdentsiktsuraq?

Wanushqakunaqa manam parlayannatsu ni wiyayannatsu (Salmo 115:17). Pero tsënö kaptimpis, kanmi mana alli angelkuna wanushqa nunatukur kawëkaqkunata parlapaqkuna (2 Pedru 2:4). Tsëmi Jehoväqa chikin wanushqakunawan parlanantsikta.Lei Deuteronomio 18:10, 11.

4. ¿Pikunaraq kawariyämunqa?

Atska millón wanushqakunam kawariyämunqa Patsachö kawayänampaq. Jina manaraq Jehoväta reqir mana allikunata rurëkar wanoqkunapis kawariyämunqam.Lei Lucas 23:43 y Hechos 24:15.

Kawarimoqkunaqa rasun kaqtam Diospita yachakuyanqa y rurëninkunawanmi rikätsikuyanqa Jesusman creiyanqanta (Apocalipsis 20:11-13). Llapanchö Diosta wiyakurqa, Patsachömi imëyaqpis kawayanqa.Lei Juan 5:28, 29.

5. ¿Imatataq Jehoväpita yachatsimantsik wanushqakuna kawariyämunan?

Wanushqakuna kawariyämunanqa rikätsikun Jehová kuyamanqantsiktam. Noqantsikrëkurmi Tsurin wanunanta permitirqan, tsëmi wanurpis kawarimïta puëdeshun. Y qamqa, ¿pïniki kawarimunantaraq munankiman?Lei Juan 3:16 y Romanos 6:23.