Llapan kanqanman ëwari

Qateqnin kaqman ëwë

Qallananchö tïtulukunaman ëwë

Jehoväpa testïgunkuna

Quechua (Ancash)

Diospa alli willakïninkuna

 9 kaq yachatsikï

¿Imanöraq familiakuna kushishqa kawayanman?

¿Imanöraq familiakuna kushishqa kawayanman?

1. ¿Imanirtaq civilparaq casakï precisan?

Jehoväqa kushishqa Diosmi, y pëpitam alli willakïkuna shamun, tsëmi familiakuna kushishqa kawakuyänanta munan (1 Timoteu 1:11). Pëmi casado kawakïta qallatsirqan. Civilpa casakuyanqanmi ishkantapis alli tsaran wamrankunata shumaq winatsiyänampaq y más kushishqa kawakuyänampaq.Lei Lucas 2:1, 4, 5.

Ollquwan warmi casakurir mana rakikäyänantam Diosqa munan. Cada nacionchömi leykuna kan ollquwan warmi civilpa casakuyänampaq, y cristiänokunaqa tsë leykunata wiyakuyänanmi. Jehoväqa munan casädokuna mana traicionanakuyänantam (Hebreus 13:4). Pëqa divorciakïta chikinmi (Malaquías 2:16). Pero majan jukwan punukïkuptinqa, divorciakurir yapë casakunanta permitinmi.Lei Mateo 19:3-6, 9.

2. ¿Imanötaq casädokuna kawayanman?

Jehoväqa ollquta y warmita kamarqan casado kawëchö yanapanakuyänampaqmi (Génesis 2:18). Ollquqa familiantam manteninan y Diospitapis yachatsinanmi. Y warminta kuyarqa imëkatapis rurananmi. Casädokunaqa kuyanakuyänan y respetanakuyänanmi. Pero jutsasapa karmi perdonanakuyänan kushishqa kawayänampaq.Lei Efesios 4:31, 32; 5:22-25, 33, y 1 Pedru 3:7.

3. ¿Casädokunaqa imallapitapis rakikäriyanmantsuraq?

Ima problëmallapis kaptinqa, ishkanmi kuyakïwan altsëta procurayänan (1 Corintios 13:4, 5). Diospa Palabranqa  manam nintsu casado kawëchö ima problëmallapis kaptin rakikäkuriyänampaq.Lei 1 Corintios 7:10-13.

4. ¿Imatataq Dios munan wamrakunapaq?

Kushishqa kayänantam. Tsëmi joven këninkunachö kushishqa kawayänampaq yachatsin. Y teytankunapa alli rurëninkunapita yachakuyänantapis munanmi (Colosenses 3:20). Jina Pëta y Tsurinta sirwi alläpa kushikïpaq kanqanta musyayänantam munan.Lei Eclesiastés 11:9–12:1; Mateo 19:13-15, y 21:15, 16.

5. ¿Imatataq teytakuna rurayanman wamrankuna kushishqa kayänampaq?

Mikïnin, wayin y röpankunam imëkanöpapis procurayänan (1 Timoteu 5:8). Pero manam tsëllatatsu qoyänan. Jina Diosta kuyayänampaqpis yachatsiyänanmi (Efesios 6:4). Teytankuna llapan shonqunwan Diosta kuyayaptinqa, pëkunapis tsënöllam rurayanqa. Diospa Palabrampita yachakurqa allikunallata pensëtam yachakuyanqa.Lei Deuteronomio 6:4-7 y Proverbios 22:6.

Wamrakunaqa necesitäyan allita rurayanqampita felicitäyänantam. Jina höraqa precisanmi shumaq parlapäyänan, mana allikunam mana ishkiyänampaq (Proverbios 22:15). Pero manam llutaqa qayapäyänantsu ni astayänantsu.Lei Colosenses 3:21.

Jehoväpa testïgonkunaqa atska librokunatam jorqayämushqa teytakunapaq y wamrakunapaqpis. Y llapampis Bibliallapitam.Lei Salmo 19:7, 11.