Llapan kanqanman ëwari

Qateqnin kaqman ëwë

Qallananchö tïtulukunaman ëwë

Jehoväpa testïgunkuna

Quechua (Ancash)

Diosta wiyakï imëyaqpis kawakunëkipaq

 9 kaq yachatsikï

¿Imëtaq kë Patsa huk paraïsoman tikranqa?

¿Imëtaq kë Patsa huk paraïsoman tikranqa?

Kanan witsan imëka pasëkanqanmi rikätsimantsik Diospa Gobiernon chämunampaq ichikllana pishinqanta. Lucas 21:10, 11; 2 Timoteu 3:1-5

Unë tiempopitanam Bibliaqa willakurqan kanan witsan tukï problëmakuna kanampaq kaqta. Wambrakuna teytankunata mana wiyakuyänampaq kaqta, nunakuna alläpa chiki kayänampaq kaqta, qellëllata y tukï mana alli rurëkunallata munakuyänampaq kaqta.

Hina willakurqanmi Patsa kuyïkuna, guërrakuna, mallaqëkuna y imëka qeshyakuna kanampaq kaqta. Y tsë willakunqannöllam kanan witsan pasëkan.

Jesusqa nirqan Diospa Gobiernompita hinantin Patsachö willakuyänampaq kaqtam (Mateo 24:14).

 Diospa Gobiernonqa llapan mana allikunatam ushakäratsimunqa. 2 Pedru 3:13

Jehoväqa ichikllachönam llapan mana alli nunakunata ushakäratsimunqa.

Satanaswan demoniokunaqa castigashqam kayanqa.

Diosta wiyakoq nunakunaqa alläpa shumaqmi kawakuyanqa kuyanakurnin, yamë kakurnin, alli kaqta rurarnin y manam ni imata mantsayanqanatsu. Y huknin huknimpis markänakuyanqam o yäranakuyanqam.