Llapan kanqanman ëwari

Qateqnin kaqman ëwë

Qallananchö tïtulukunaman ëwë

Jehoväpa testïgunkuna

Quechua (Ancash)

Diosta wiyakï imëyaqpis kawakunëkipaq

 3 kaq yachatsikï

¿Imanötaq Edén huertachö kawakï karqan?

¿Imanötaq Edén huertachö kawakï karqan?

Adantawan Ëvataqa tukï allikunatam Dios qorqan. Génesis 1:28

Jehovämi kamarqan punta warmita y shutinqa Ëvam karqan, y Adantam qorqan warmin kanampaq (Génesis 2:21, 22).

Adantawan Ëvataqa hutsannaqtam Dios kamarqan. Yarpëninkuna y cuerponkunapis alli sänom karqan.

Edén huertachömi täräyarqan: tsë shumaq sitiochöqa huk mayu, montekuna y animalkunam karqan. Huk paraïsom karqan.

Jehoväqa pëkunawan parlaqmi y tukïtam yachatsirqan. Tsë paraïsochö imëpis kawakïta munarqa Diosta wiyakurmi ninqanta rurayänan karqan.

 Huk plantapa frütanta mana mikuyänampaqmi Diosqa nirqan. Génesis 2:16, 17

Huk angelmi Diospa contran churakarqan. Tsë mana alli angelqa Satanás Diablum.

Diosqa Adantawan Ëvata nirqan Edén huertachö huk plantapa frütanta mana mikuyänampaqmi. Tsë plantapa frütanta mikurninqa wanuyänanmi karqan.

Satanasqa manam munarqantsu Adanwan Eva Jehoväta wiyakuyänanta. Huk culebrawanmi Ëvata nirqan Dios michanqan frütata mikurqa mana wanunampaq kaqta. Mikurninqa Diosnö kanampaq kaqtam nirqan. ¡Tsëqa hatun ulikïmi karqan! (Génesis 3:1-5.)