Llapan kanqanman ëwari

Qateqnin kaqman ëwë

Qallananchö tïtulukunaman ëwë

Jehoväpa testïgunkuna

Quechua (Ancash)

Diosta wiyakï imëyaqpis kawakunëkipaq

 4 kaq yachatsikï

¿Imamantaq chäyarqan Satanasta wiyakurnin?

¿Imamantaq chäyarqan Satanasta wiyakurnin?

Adanwan Ëvaqa Diosta mana wiyakuyanqampitam wanuyarqan. Génesis 3:6, 23

Culebrata wiyakurmi Ëvaqa Dios michanqan frütata mikurqan. Tsëpitanam Adanta qorqan y pëpis mikurirqan.

Tsë rurayanqanqa manam allitsu karqan: hutsam karqan. Diosqa Adantawan Ëvata qarqurirqanmi Edén huertapita.

Kawëninkunaqa alläpa sasam o ajam tikrarirqan pëkunapaq y wambrankunapaqpis. Y tiempo pasariptinnam awkinyar y chakwanyar wanuyarqan. Y wanurirqa maman ciëlotatsu ni huk lädotatsu ëwakuyarqan, antis tsëllachömi ushakäriyarqan.

 Wanushqakunaqa allpamanmi tikrayan, y mananam ni ima rurëta puëdeyannatsu. Génesis 3:19

Llapantsikpis shamuntsik Adanpitawan Ëvapitam. Tsëmi noqantsikpis wanuntsik. Wanushqakunaqa manam rikëta, wiyëta ni ima rurëtapis puëdeyannatsu (Eclesiastés 9:5, 10).

Jehoväqa manam munarqantsu nunakuna wanuyänanta. Ichikllanam pishin wanushqakunata kawënin yapë qonampaq. Y pëta wiyakurninqa, manam ni imë wanuyanqanatsu. Mana wanushpam kawakuyanqa.