Llapan kanqanman ëwari

Qateqnin kaqman ëwë

Jehoväpa testïgunkuna

Quechua (Ancash)

¿Imataq Diospa Gobiernun?

¿Imataq Diospa Gobiernun?

¿Ninkiman . . .

  •  . . . shoquntsikchö katsinqantsiktatsuraq?

  •  . . . juk igualatsikï kanqantatsuraq?

  •  . . . ciëluchö gobiernu kanqantatsuraq?

 BIBLIA YACHATSIKUNQAN

“Ciëluchö këkaq Dios, mana ushakaq gobiernuta churanqa.” (Daniel 2:44, Traducción del Nuevo Mundo.)

“Juk wamrantsikmi qomarquntsik, pëpa humbrunkunachömi gobiernuqa kanqa.” (Isaïas 9:6.)

¿IMANÖTAQ KËTA MUSYANQANTSIK YANAPAMÄSHUN?

  • Juk alli gobiernu karmi llapantsikta yanapamënintsikta puëdin (Isaïas 48:17, 18).

  • Ichikllachönam kushishqa y mana qeshyashpa mushoq munduchö kawakushun (Apocalipsis 21:3, 4, Teyta Diospa Mushoq Testamentun).

 ¿BIBLIA NINQANMAN CREISHWANTSURAQ?

Awmi, y këkunarëkur:

  • Diospa Gobiernun ruranampaq kaqtam Jesus rikätsikurqan. Diospa Gobiernun shamunampaq y munënin kë Patsachö rurakänampaq kaqta mañakuyänampaqmi Jesus qateqninkunata yachatsirqan (Mateu 6:9, 10). Jina rikätsikurqanmi mañakuyanqankuna imanö cumplikänampaq kaqtapis.

    Jesus kë Patsachö këkarmi, mallaqëkaqkunata mikïnin qorqan, qeshyaqkunata kachakätsirqan y hasta wanushqa këkaq nunakunatapis kawaratsirqan (Mateu 15:29-38; Juan 11:38-44). Diospa Gobiernunchö mandakoq kanampaq karmi, tsë Gobiernu imëka allikunata nunakunapaq ruranampaq kaqta rikätsikurqan (Apocalipsis 11:15, Traducción del Nuevo Mundo).

  • Kë munduchö imëka pasakïkanqankunam rikätsikun Diospa Gobiernun ichikllachöna chämunampaq kaqta. Jesusmi willakurqan, Diospa Gobiernun kë Patsaman yamë kawakïta manaraq apamuptin, guërrakuna, mallaqë y Patsa kuyïkuna kanampaq kaqta (Mateu 24:3, 7, Traducción del Nuevo Mundo).

    Tsë llapan pasakunqankunatam kanan witsan rikëkantsik. Tsëmi següru këkänantsik Diospa Gobiernun tsë llapanta ichikllachöna altsamunampaq kaqta.

 KËTA TAPUKÏ

¿Imanöraq kawakï kanqa Diospa Gobiernunchö?

Respuestantaqa tarinki kë textukunachömi SALMU 37:29 y ISAÏAS 65:21-23 (Traducción del Nuevo Mundo).