Llapan kanqanman ëwari

Qateqnin kaqman ëwë

Qallananchö tïtulukunaman ëwë

Jehoväpa testïgunkuna

Quechua (Ancash)

“Dios Yayapa kuyakïninchö imëpis kawakuyë”

Jehoväpa Testïgonkunata Pushaqkunapa cartan

Jehoväpa Testïgonkunata Pushaqkunapa cartan

Llapëki Jehoväta kuyaqkunapaq:

Jesusmi nerqan: “Rason caqta musyariyaptiqui[m], tse rason caq librariyäshunqui” (Juan 8:32). ¡Kë nimanqantsikqa alläpa shumaqmi! Musyanqantsiknöpis kananqa alläpa mana alli tiempochömi tärantsik, y mana alli yachatsikïkuna rurinchö, tsënö këkaptimpis Diospa rasumpa kaq yachatsikïnintaqa tarita puëdentsikmi (2 Timoteu 3:1). Yarpantsikchi, rasun kaqta Bibliapita yachakur qallanqantsik witsanta. ¡Imanö shumaqmi karqan!

Tsënö kaptimpis manam Diospa Palabranta musyananllatsu ni willapäkunanllatsu, sinöqa nenqannömi kawanantsik. Awmi, Dios Yayapa kuyakïninchömi imëpis kawakunantsik. Pero ¿imatataq rurashwan kuyakïninchö imëpis kawëkänapaq? Wanukunan paqasmi Jesus kënö nerqan: “Noqaqa Papänïta cuyarmi, mandacushqancunata cäsucü. Tsenollam noqata cuyamarqa, qamcunapis mandacushqäcunata cäsucuyanqui” (Juan 15:10).

Teytampa kuyakïninchö imëpis këkänampaq, ¿imatataq Jesus rurarqan? Teytampa mandamientonkunatam wiyakur rurarqan. Noqantsikpis pënöllam ruranantsik. Teyta Diospa kuyakïninchö imëpis kawakunapaqqa, mandamanqantsikkunata rurarninmi kawanantsik. Tsëmi tsë paqaslla kënö nerqan: “Nishqäta cäyir rurarqa, allapa cushishqam cawacuyanqui” (Juan 13:17).

Llapan shonqükunawanmi munëkuyä, Dios Yayapa kuyakïninchö imëpis kawakïkänapaq kë libro yanapëkamänantsikta, y mana wanushpa kawakïman chänapaq (Judas 21).

Jehoväpa Testïgonkunata Pushaqkuna