Llapan kanqanman ëwari

Qateqnin kaqman ëwë

Qallananchö tïtulukunaman ëwë

Jehoväpa testïgunkuna

Quechua (Ancash)

¿Imapitataq Biblia willakun?

Biblia yachatsikunqan—Wallkallachö

Biblia yachatsikunqan—Wallkallachö
  1. Adantawan Ëvata Jehová kaman y Patsachö imëyaqpis kawakuyänampaq churan. Pero Satanasqa Diospa jutintam mana allichö jorqan y mana alli gobernante kanqantam creitsikun. Adanwan Ëvapis Diabluman qaqarmi Diospa contran churakäyan, tsënöpam llapan nunakunata jutsaman y wanïman chätsiyan

  2. Contran churakaqkunapaq Dios castïgota apamun, y juk Mirëta awnikun Satanasta ushakätsinampaq y nunakunata jutsapita jorqanampaq

  3. Abrahantawan Davidta Dios awnin kastankunapita Mesias yurir imëyaqpis gobernanampaq kaqta

  4. Profëtankunatawan Jehová willatsikun jutsatawan wanïta Mesias ushakätsinampaq y Diospa Mandakïninchö gobernanampaq. Y pëwan más nunakuna gobernayämunqa, y guërrakunata, qeshyakunata y wanïtapis ushakäratsiyämunqa

  5. Jehová musyatsikun Jesus Mesias kanqanta. Gobiernompita willakunampaq, y nunakunarëkur wanunampaqmi kë Patsaman kachamurqan. Y wanuriptinnam Jehová espïritutanö kawariratsin

  6. Ciëlochö gobernanampaq Cristuta Dios churan, y Patsapa ushakënin junaq qallëkun. Diospa Gobiernompita yachatsikuyanqantaqa Jesusmi dirigikan

  7. Jehová Tsurinta mandan Patsata Gobernar qallanampaq. Pëmi gobiernokunata ushakäratsir shumaq Huertaman Patsata tikraratsin, y nunakunatapis jutsannaq këman kutiratsin. Jehovälla Ciëlochö y Patsachö Autoridadyoq kanqampaqqa, manam ni pï mana allita parlanqanatsu y jutimpis santom kanqa