Llapan kanqanman ëwari

Qateqnin kaqman ëwë

Qallananchö tïtulukunaman ëwë

Jehoväpa testïgunkuna

Quechua (Ancash)

Diospa amigon kashwanmi

 5 KAQ YACHATSIKÏ

Diospa amigonkunaqa tärayanqa Paraisochomi

Diospa amigonkunaqa tärayanqa Paraisochomi

Paraisoqa manam kë kanan Patsanotsu kanqa. Diosqa manam kë Patsata rurarqan, keno mana allicho kawanapaqtsu, llakikicho, nanatsikicho kanampaqtsu. Diosnintsik ruramonqanam kë Patsacho paraisota. ¿Imanöraq kanqa? Rikärishun Biblia nenqanta.

Alli nunakuna. Paraisoqa kanqa Diospa amigonkuna tärayananmi. Pekunaqa allillatam rurayanqa llapankunapaqpis, Jehová munanqannömi kawakuyanqa alli nänincho (Proverbios 2:21).

Allapa atska miki. Paraisochoqa manam ni pi mallaqanqatsu. Bibliachoqa ninmi: “Allapa atska mikïmi kanqa patsacho” (Salmo 72:16).

Alli wayikuna, shumaq uryaki. Kë Patsa paraisoman tikrariptenqa, llapan nunakunapam wayinkuna kanqa, llapampaqmi kanqa uryakïnin, kushishqa uryayänampaq (Isaías 65:21-23).

Hinantin Patsachomi paz kanqa. Manam ni imepis maqanakuyanqanatsu, wanutsinakuyanqanatsu guerrakunacho. Diospa Palabranqa ninmi: “Diosqa ushakätsimonqam guerrakunata” (Salmo 46:8, 9).

 Manam qeshyashunnatsu. Bibliaqa änimantsikmi: “Manam ni pi: ‘Qeshyami nenqanatsu’” Paraisochoqa (Isaías 33:24). Ni manam kanqanatsu cojokuna, wiskukuna, mana wiyaqkuna, mana parlaqkuna (Isaías 35:5, 6).

Manam kanqanatsu llakiki, nanatsiki ni wanukipis. Diospa Palabranqa ninmi: “Mananam wanïpis, llakikipis, qaparikipis, ni nanatsikipis kanqanatsu. Tse llapan puntakaq rikanqantsikkuna, ushakashqanam kanqa” (Revelación [Apocalipsis] 21:4).

Mananam mana alli nunakuna kanqanatsu. Jehovaqa änimantsikmi: “Mana alli nunakunaqa, wallushqam kayanqa kikin patsapita; traicionerokunanam llupishqa kayanqa tsepita” (Proverbios 2:22).

Llapan nunakunam kuyanakuyanqa, respetanakuyanqa. Mananam kanqanatsu mana alli ruraqkuna, llakitsikoqkuna, mallaqäkoqkuna, chikikoqkunapis. Llapan nunakunam täkuyanqa shumaq kuyanakurnin, mana chikinakushpa, Dios yachatsikonqanno alli nänincho (Isaías 26:9).