Llapan kanqanman ëwari

Qallananchö tïtulukunaman ëwë

Jehoväpa testïgunkuna

Idiömata akrë Quechua (Ancash)

Revelacion 12:1-17

  • Juk warmi, juk ollqu wamra, y mantsanëpaq jatun culebra (1-6)

  • Miguelwan mantsanëpaq jatun culebra pelyayan (7-12)

    • Mantsanëpaq jatun culebra patsaman qarpushqa kanqan (9)

    • Diabluqa wallka tiempullana karinantam musyan (12)

  • Warmita mantsanëpaq jatun culebra qatikachan (13-17)

12  Tsënam, juk jatun señal ciëluchö rikakurqan: juk warmim intiwan* vistishqa* këkarqan, y killam chakin jawanchö këkarqan, y peqanchömi* chunka ishkë (12) qoyllurkunayoq coröna karqan,  y pëqa qeshyaqmi këkarqan. Y qeshpikunampaq* nanatsikurnin y nakarninmi* waqar këkarqan.  Juk señal masmi ciëluchö rikakurqan. ¡Rikäyë! Nina color mantsanëpaq jatun culebra, qanchis peqayoq y chunka waqrayoq, y peqankunachömi qanchis corönakuna* karqan;  y chupanmi kima* kaq parti qoyllurkunata qarachan, y patsamanmi qarpurirqan. Y tsë mantsanëpaq jatun culebram qeshpikunampaqna këkaq warmipa puntanchö shëkar quedakurqan, tsënöpa, qeshpikuriptin wamranta mikukurkunampaq.  Y tsë warmiqa juk ollqu wamratam qeshpikurqan, pëmi llapan nacionkunata fiërru värawan mitsinqa. Y wamranqa Diosmanmi apashqa* karqan, gobernar täkunan kaqman.  Y warmiqa tsunyaq sitiumanmi escapakurqan,* tsëchömi Dios alistapunqan juk sitiun kapun, y tsëchömi waranqa ishkë pachak joqta chunka (1.260) junaqkuna mikïnin qarayänan karqan.  Y ciëluchömi guërra qallëkurqan: Miguelwan* angelninkunam mantsanëpaq jatun culebrawan pelyayarqan, y mantsanëpaq jatun culebrawan angelninkunam pëkunawan pelyayarqan,  peru manam tsarakuyarqantsu,* ni manam pëkunapaq ciëluchö sitiu karqannatsu.  Tsënöpam mantsanëpaq jatun culebra urëpa qarpushqa karqan, unë kaq culebra, Diablu y Satanas jutiyoq, entëru patsata engañëkaq; patsamanmi qarpushqa karqan, y angelninkunam pëwan juntu qarpushqa kayarqan. 10  Y ciëluchö juk parlë sinchipa kënö neqtam wiyarqä: “¡Kananmi rikakushqa Diosnintsikpa salvakoq kënin, podernin, Gobiernun y Cristumpa autoridänin, porqui wawqintsikkunata* acusaqmi qarpushqa kashqa, Diosnintsikpa nöpanchö paqasta junaqta acusaq! 11  Y Achkaspa* yawarninrëkur y willakïta musyatsikuyanqanwanmi pëkunaqa venciyarqan, y manam kawëninkunata* kuyayarqantsu wanï puntankunachöna këkaptimpis. 12  Tsërëkur, ¡kushikuyë ciëlukuna, y tsëchö täraqkuna! ¡Allaw patsa y lamar!, porqui alläpa piñashqam* qamkunaman Diablu urämushqa, wallka tiempullana karinanta musyar”. 13  Tsënam, tsë mantsanëpaq jatun culebraqa patsaman qarpushqa kashqa kanqanta rikärir, ollqu wamrata qeshpikushqa warmita qatikacharqan. 14  Peru tsë warmiqa juk jatun äguilapa ishkan älankunatam chaskirirqan, tsunyaqchö këkaq sitiunman volanampaq, tsëchömi mikïta chaskinqa juk tiempupa y tiempukunapa y pullan tiempupa,* culebrapa rikënimpita karuchö. 15  Y culebraqa mayunöraq yakutam shimimpita lancëkurqan warmipa qepanta ëwanampaq, tsënöpa tsë mayuwan tsapakar wanunampaq.* 16  Peru patsam tsë warmita yanapaq shamurqan, y patsaqa shimintam äyarkurqan y mantsanëpaq jatun culebra lanzanqan mayutam tragakurkurqan. 17  Tsënam tsë mantsanëpaq jatun culebraqa warmiwan alläpa piñakurkurqan, y tsë warmipa quedaq kaq mirënimpa contranmi guërra ruraq ëwakurqan, pëkunaqa Diospa mandakïninkunatam wiyakuyan y Jesuspita musyatsikuyänampaqmi carguta chaskiyashqa.

Päginapa ura kuchunchö willakïkuna

Kënöpis niyanmi: rupaywan.
O: “entërumpa vistishqa”.
Kënöpis niyanmi: umanchömi.
Kënöpis niyanmi: qeshyakunampaq.
Kënöpis niyanmi: ñakarninmi.
Griëgu idiömachöqa “diadëmakuna” ninmi. Itsa tsëqa karqan reykunapa peqankunachö wataraq cintanö.
Kënöpis niyanmi: kimsa.
O: “tsarishqa”.
Kënöpis niyanmi: qeshpirirqan; safakurqan.
Tsëqa, “¿Pitaq Diosnöqa?” ninanmi.
O, itsapis: “peru vencishqam karqan”.
Höraqa ollqupaq y warmipaq parlarmi Bibliaqa “wawqikuna” nin.
Kënöpis niyanmi: Ashkashpa.
Griëgu idiömachöqa “almankunata” ninmi. Rikäri “Käyitsikïkuna” nishqanta.
Kënöpis niyanmi: ajashqam.
Juk parlakïchöqa, kima tiempukuna pullan.
Kënöpis niyanmi: shenqarinampaq.