Llapan kanqanman ëwari

Qateqnin kaqman ëwë

Qallananchö tïtulukunaman ëwë

Jehoväpa testïgunkuna

Quechua (Ancash)

Këchö Biblia | TRADUCCIÓN DEL NUEVO MUNDO DE LAS SANTAS ESCRITURAS

Revelacion 10:1-11

IMAKUNA KANQAN

  • Ichikllan rölluta katseq alläpa kallpayoq angel (1-7)

    • “Mananam masqa qepanqanatsu” (6)

    • Pakarëkaq willakï cumplikashqa quedarin (7)

  • Ichikllan rölluta Juan mikukurkun (8-11)

10  Y juk alläpa kallpayoq angeltam ciëlupita urëkämoqta rikarqä, pukutëwan tsapashqata,* y juk turmanyëmi peqan* jananchö karqan, y qaqllanqa intinömi* karqan, y chankankunaqa* nina columnanömi karqan,  y makinchömi kicharëkaq ichikllan rölluta këkätsirqan. Y derëcha kaq chakintam lamarman churarqan, peru itsoq kaqtaqa patsamanmi churarqan.  Y imëka leon qapareqnömi sinchipa parlarqan. Y sinchipa parlëkuptinmi, qanchis janrarëkuna* parlayanqan wiyakarqan.  Tsënam, qanchis janrarëkuna parlariyaptin, tsëkunata qellqanäpaqna këkarqä, peru ciëlupita patsë kënö parlaqtam wiyarqä: “Qanchis janrarëkuna parlayanqanta sellarkï, y ama qellqëtsu”.  Y patsachö y lamarchö shëkaqta rikanqä angelmi derëcha kaq makinta ciëluman pallarkurqan,  y imëyaqpis kawaq Kaqpa jutinchömi jurarqan, ciëluta y tsëchö këkaqkunata y patsata y tsëchö këkaqkunata y lamarta y tsëchö këkaqkunata kamaq kaqpa jutinchö, kënö nir: “Mananam masqa qepanqanatsu.  Sinöqa qanchis kaq angel trompëtanta tocanampaqna këkanqan junaqkunachömi, willakoq sirweqninkunata* Dios alli willakïkunatanö musyatsinqan pakarëkaq sagrädu willakï rasumpa cumplikashqa quedarinqa”.  Y ciëlupita patsë parlamoq parlakï yapë kënö nimaqtam wiyarirqä: “Ëwë, lamarchö y patsachö shëkaq angelpa makimpita rölluta tsari”.  Y angel kaqmanmi ëwarqä, y ichikllan rölluta qomänampaqmi nirqä. Pënam kënö nimarqan: “Tsari y mikukurkï, pachëkitam asqätsinqa,* peru shimikichöqa mielnömi mishki kanqa”. 10  Angelpa makimpitam ichikllan rölluta tsarirkurqä y mikukurkurqä, y shimïchöqa mielnömi mishki karqan, peru mikukurkuptïqa, pachätam asqäratsimurqan. 11  Y kënömi niyämarqan: “Yapëmi markakunapaq, nacionkunapaq, idiömakunapaq y mëtsika reykunapaq Dios musyatsikunqanta willakunëki”.

Päginapa ura kuchunchö willakïkuna

O: “wankushqata”.
Kënöpis niyanmi: uman.
Kënöpis niyanmi: rupaynömi.
Griëgu idiömachöqa “chakinkunaqa” ninmi.
Kënöpis niyanmi: kumruruykuna.
Griëgu idiömachöqa “profëtakunata” ninmi. Rikäri “Käyitsikïkuna” nishqanta.
Kënöpis niyanmi: puchqollyätsinqa.