Llapan kanqanman ëwari

Qateqnin kaqman ëwë

Qallananchö tïtulukunaman ëwë

Jehoväpa testïgunkuna

Quechua (Ancash)

Këchö Biblia | TRADUCCIÓN DEL NUEVO MUNDO DE LAS SANTAS ESCRITURAS

Marcus 16:1-8

IMAKUNA KANQAN

  • Jesus kawaritsimushqa kanqan (1-8)

16  Tsënam Säbadu pasariptin, Marïa Magdalëna, Santiägupa mamänin Marïa y Salomë, shumaq pukutaqkunata** rantiyarqan aceitiwan takuyänampaq, y ëwarnin tsëwan Jesuspa ayanta llushiyänampaq.  Y qoya qoyallam* yarquyarqan, semänapa qallanan junaq,* y inti* yarqaramuptinllam sepultüraman chäriyarqan.  Y kikinkunapuram kënö ninakuyarqan: “¿Piraq sepultürapa punkunchö këkaq rumita wititsimunqa?”.  Peru ñukirkurqa,* rumita kuyutsishqana kayanqantam rikäriyarqan, tsë rumi alläpa jatun këkaptimpis.  Sepultüraman yëkurirnam, chakinyaq yulaq röpawan vistishqa jövinta derëcha kaq läduchö tëkaqta rikäriyarqan, y alläpam mantsakäyarqan.  Pënam kënö nirqan: “Ama mantsakäyëtsu. Musyämi qeruchö wanutsiyanqan Nazaretpita Jesusta ashikäyanqëkita. Sharkatsishqam kashqa. Manam këchönatsu këkan. Rikäyë churaranqan sitiuta.  Peru ëwayë y qateqninkunatawan Pëdruta kënö niyë: ‘Puntëkikunatam pëqa Galilëa provinciaman ëwëkan. Kikin niyäshunqëkinöllam tsëchö rikäyanki’”.  Tsënam pëkunaqa sepultürapita yarqurir, karkaryëkar y mantsakashqa escapar* ëwakuyarqan. Y manam ni pitapis ni imata niyarqantsu, porqui alläpa mantsakashqam këkäyarqan.*

Päginapa ura kuchunchö willakïkuna

Kënöpis niyanmi: mushkoqkunata.
Tsëkunaqa kayaq, ayata pampayänampaq alistar inshiyanqan polvukuna, raprakuna y aceitikunam.
Kënöpis niyanmi: wäray wärayllam; rusqa rusqallam.
Tsënö nirqa, domingu nirnin reqinqantsik junaqpaqmi parlëkan, judïukunapaqqa tsë junaqmi semäna qallaq.
Kënöpis niyanmi: rupay.
Kënöpis niyanmi: peqankunata pallarkurqa.
Kënöpis niyanmi: qeshpir; safar.
Mas punta kaq precisaq qellqashqakunachöqa, Marcus libruqa 8 kaq versïculuchö ninqanwanmi usharin.