Llapan kanqanman ëwari

Qateqnin kaqman ëwë

Qallananchö tïtulukunaman ëwë

Jehoväpa testïgunkuna

Quechua (Ancash)

Këchö Biblia | TRADUCCIÓN DEL NUEVO MUNDO DE LAS SANTAS ESCRITURAS

Tïtu 3:1-15

IMAKUNA KANQAN

  • Respetakur cäsukï precisanqan (1-3)

  • Alli kaq rurëkunata imëpis rurëpaq yarparë (4-8)

  • Mana sirweq pleytukïkunapa y mana rasumpa kaq yachatsikïkunapa contran churakë (9-11)

  • Imata ruranampaq kaqta ninqan y salüdukuna (12-15)

3  Yarpätsikurnin sïgui gobiernukunata y autoridäkunata respetakur cäsukuyänampaq y wiyakuyänampaq, imëka alli kaq rurëkunata rurayänampaq listu këkäyänampaq,  pipaqpis mana allita mana parlayänampaq y pleytu asheq mana kayänampaq, sinöqa ñampu* shonqu kayänampaq, llapan nunakunawan chipyëpa yachanëpaq karnin.  Porqui noqantsikpis juk tiempuchöqa, juiciunnaq, mana wiyakoq, pantatsishqa, imëka munëkunapa y gozakïllapa esclävun, imëka mana allikunata rurar y envidianakurlla kakoq, y melanëpaqmi karqantsik, juknintsik juknintsik chikinakur.  Tsënö kaptimpis, salvamaqnintsik Diospa alli kënin y llapan nunakunapaq kuyakïnin rikakuriptinmi  (mana noqantsik alli kaqta ruranqantsikpitatsu, sinöqa ankupäkïnimpita*), pëqa limpiuyätsimanqantsikwan kawëman chätsimarnintsik y santu espïritunwan mushoqta tikratsimarnintsik salvamarqantsik.  Tsë santu espïritutam pëqa salvamaqnintsik Jesucristupa yanapakïninwan noqantsikman mëtsikata* ramamurqan,*  tsënöpa pëpa alläpa alli kënimpita alli kaqta ruraqnö rikashqa karir, imëyaqpis kawakïta shuyäkunqantsikmannö herenciata chaskeqpaq kaqkuna kanapaq.  Kë ninqaqkunaqa markäkïpaqmi,* y kë asuntukunata kutin kutin yarpätsikunëkitam munä, tsënöpa Diosman creikushqa kaqkuna alli kaq rurëkunata imëpis rurëman yarparäyänampaq. Kë cösaskunaqa nunakunapaq alläpa allim y yanapakoqmi.  Peru imapaqpis mana sirweq pleytukïkunaman, unë kastakunapaq parlëman, y Ley asuntupaq pleytukïkunaman y tsaränakïkunamanqa ama mëtikïtsu, porqui imapaqpis mana sirweq y imachöpis mana yanapakoqmi kayan. 10  Mana rasumpa kaq yachatsikïta puritseq nunata, ishkë kutipa atikariptiki* mana cäsukuptinqa, amana pëwan juntakïnatsu, 11  porqui musyankim tsë nunaqa alli kaq nänipita yarqukurishqa kanqanta y jutsallakïkanqanta, y kikinlla condenakïkanqanta. 12  Artemasta o Tïquicuta qamman kacharamuptïqa, imëkanöpapis procuramï Nicöpolis markata noqa kaqman shamunëkipaq, porqui tamya witsanta tsëchö pasanäpaqmi churapakarqö.* 13  Leyta alli reqeq Zënasta y Apölusta viäjinkunapaq llapan wanayanqanta imëkanöpapis qoykï, tsënöpa imankunapis mana pishipunampaq. 14  Peru creikoq mayintsikkunapis yachakuyätsun alli kaq rurëkuna rurëta, tsënöpa yanapakï alläpa precisanqan hörachö yanapakuyänampaq, y alli rurëninnaq* mana kayänampaq. 15  Noqawan këkaqkunam llapankuna salüdunkunata apatsikayämun. Creikïchö kuyayämaqnï kaqkunata saludëkï. Diospa alläpa alli kënin llapëkichö këkätsun.

Päginapa ura kuchunchö willakïkuna

Kënöpis niyanmi: llampu.
Kënöpis niyanmi: llakipäkuynimpita.
O: “atska atskata”.
Kënöpis niyanmi: jichamurqan.
Kënöpis niyanmi: yärakuypaqmi.
Kënöpis niyanmi: willapäriptiki.
Kënöpis niyanmi: churakarqö.
Griëgu idiömachöqa “wayïninnaq” ninmi.