Llapan kanqanman ëwari

Qateqnin kaqman ëwë

Qallananchö tïtulukunaman ëwë

Jehoväpa testïgunkuna

Quechua (Ancash)

Këchö Biblia | TRADUCCIÓN DEL NUEVO MUNDO DE LAS SANTAS ESCRITURAS

Hebrëus 8:1-13

IMAKUNA KANQAN

  • Carpa wayiqa ciëluchö kaqtam rikätsikun (1-6)

  • Punta kaq y mushoq kaq conträtu igualatsishqa kanqan (7-13)

8  Kananqa, këmi parlëkanqantsik asuntuchö mas precisaq kaq: tsënö mandakoq kaq sacerdötim kapamantsik, y pëqa ciëluchö Alläpa Respetashqa Kaqpa gobernar täkunampa derëcha kaq lädunmanmi täkushqa,  pëqa santu sitiuchö y rasumpa kaq carpa wayichö sirweqmi,* tsëtaqa Jehovämi* patsätsishqa, y manam nunatsu.  Porqui mandakoq kaq sacerdötikunaqa llapanmi qarëkunata y pishtashqa ofrendakunata qoyänampaq churashqa kayan; tsëmi precisarqan pëpis imatapis qonan.  Sitsun pë patsachö këkanman, tsëqa manam sacerdötitsu kanman, porqui Ley mandakunqannö qarëkunata qoq nunakunaqa kannam.  Kë nunakunapa sagrädu rurëninkunaqa ciëluchö kaqkunata rikätsikoqllam y wäni* cuentallam; tsënömi Moisespis carpa wayita ruranampaq këkar, Diospa mandakïninta chaskirqan. Porqui Pëmi kënö nin: “Cuidädu kë, jirkachö rikätsinqaqtanölla llapantapis ruranëkipaq”.  Peru kananqa mas alli kaq sagrädu rurëtam Jesusqa chaskishqa, porqui jina pëqa juk mas alli conträtuchö yanapakoqmi, y tsëqa mas alli kaq änikïkunachömi* ley ninqanmannö patsätsishqa kashqa.  Sitsun tsë punta kaq conträtu llapanchö alli kanman karqan, tsëqa manam precisanmantsu karqan ishkë kaq conträtu rurakänan.  Porqui markachö mana allita tarirmi pëqa kënö nin: “‘¡Rikë! Chämunqam junaqkuna’, ninmi Jehovä,* ‘Israel nunakunawan y Judä nunakunawanmi juk mushoq conträtuta rurashaq.  Manam Egiptu nacionpita jorqamunäpaq makinkunapita tsarinqä junaqchö unë kastankunawan ruranqä conträtunötsu kanqa, porqui manam conträtüta cumplir sïguiyarqantsu, tsëmi pëkunapaq yarpakachëta* jaqirirqä’, ninmi Jehovä.* 10  ‘Porqui kë conträtutam tsë junaqkuna pasariptin Israel nunakunawan rurashaq’, ninmi Jehovä.* ‘Leynïkunatam pensëninkunaman churashaq, y shonqunkunamanmi qellqashaq. Y noqam Diosninkuna këman chäshaq, y pëkunam markä këman chäyanqa. 11  Y pëkunaqa mananam cada ünu marka mayinkunata y creikoq mayinkunata “¡Jehoväta* reqi!” nishpa yachatsiyanqanatsu. Porqui llapankunam reqiyämanqa, mana precisaq kaqpita qallëkur hasta precisaq kaqyaq. 12  Porqui ankupäshaqmi* mana alli kaqta rurayanqankunapita, y mananam masqa jutsankunata yarpäshaqnatsu’”. 13  “Juk mushoq conträtu” nirqa, punta kaq conträtutam mana sirweqta tikratsishqa. Y mana sirweqpaq tikraq y makwayaq kaqqa, ichikllachöna ushakärinampaqmi këkan.

Päginapa ura kuchunchö willakïkuna

O: “nunakunata sirweqmi”.
Rikäri “Käyitsikïkuna” nishqanta.
Kënöpis niyanmi: llantu.
Kënöpis niyanmi: awnikuykunachömi.
Rikäri “Käyitsikïkuna” nishqanta.
Kënöpis niyanmi: yarpachakuyta.
Rikäri “Käyitsikïkuna” nishqanta.
Rikäri “Käyitsikïkuna” nishqanta.
Rikäri “Käyitsikïkuna” nishqanta.
Kënöpis niyanmi: llakipäshaqmi.