Llapan kanqanman ëwari

Qallananchö tïtulukunaman ëwë

Jehoväpa testïgunkuna

Idiömata akrë Quechua (Ancash)

2 Timoteu 3:1-17

  • Ushanan junaqkunachö alläpa mana alli tiempukuna (1-7)

  • Pablu ruranqanta qati (8-13)

  • Yachakunqëkichö tsarakurnin sïgui (14-17)

    • Llapan qellqashqa këkaqmi Diospita shamun (16)

3  Peru këta musyë, ushanan junaqkunachöqa alläpa mana alli tiempukunam kanqa, alläpa sasa tiempukuna.  Porqui nunakunam kayanqa kikinkunallata kuyakoq, qellëta kuyaq, alabakoq, precisaq tukoq, Diospa contran churakaq, teytankunata mana wiyakoq, mana agradecikoq, jaqikoq,  mana kuyakoq, ima acuerdumampis chëta mana munaq, chikikur tumpakoq, peqanta* tsarëta mana yachaq, alläpa lïsu, alli kaqta mana kuyaq,  nuna mayinta rantikoq,* munëninta rurakoq, pasëpa alli tukoq, Diosta kuyanampa rantin kikimpa munëninllata asheq,  llapan shonqunwan Diosta sirweq tukïkar rurëninkunachö tsëta mana rikätsikoq; y pëkunapitaqa witikuri.  Tsënö nunakunapitam, wayikunaman yachëllapa yëkoq nunakuna yuriyämun, y mëtsika jutsayoq dëbil warmikunatam shumaqllapa engañayan, tukï mana alli munëninkuna dominaq warmikunata,  pëkunaqa imëpis yachakïkäyanllam, peru tsënö karpis, manam ni imëpis puëdiyantsu rasumpa kaqta alli musyëtaqa.  Imanöllam Jänes y Jambres nunakuna Moisespa contran churakäyarqan, tsënöllam pëkunapis rasumpa kaqpa contran churakar këkäyan. Tsë nunakunaqa pasëpa lluta pensëyoqmi kayan, cristiänu creikïkunamannöqa manam Diospa rikëninchö allitsu këkäyan.  Tsënö kaptimpis, manam imatapis lograyanqatsu, porqui juiciunnaq* kayanqantam llapankuna cläru rikäriyanqa, tsë ishkan nunakunawan pasanqannö. 10  Peru qamqa shumaq y allim qatikanki yachatsikïnïta, imanö kawanqäta, munënïta, markäkïnïta,* pacienciayoq kënïta, kuyakoq kënïta, alli tsarakunqäta, 11  chikimar imëkata rurayämanqanta, y sufrinqäkunata, Antioquïachö, Iconiuchö y Listrachö pasamanqannö. Tsënö chikimar imëkata rurayämanqanchömi alli tsarakurqä, y tsë llapampitam Señorqa libramarqan. 12  Rasumpa kaqchöqa, Cristu Jesusta qatirnin llapan shonqunkunawan Diosta sirwita munaqkunapis, llapankunam chikishqa y sufritsishqa kayanqa. 13  Peru alläpa mana alli y engañakoq nunakunaqa mana allipita mas mana alliman charmi sïguiyanqa, pantatsikurnin y pantatsishqa karnin. 14  Peru qamqa, yachakunqëkichö y creitsiyäshunqëkichö tsarakurnin sïgui, porqui musyankim pikunapita yachakunqëkita, 15  y santu qellqashqakunata llullullaraq kanqëkipita patsë reqinqëkita, tsëkunaqa Cristu Jesusman markäkunqëkirëkurmi salvacionta tarinëkipaq yachaqta tikratsishïnikita puëdin. 16  Llapan qellqashqa këkaqmi Diospita shamun, y alläpa allim yachatsikunapaq, imachö mana alli këkäyanqanta rikätsikunapaq, imëkatapis altsanapaq,* Diospa musyatsikïninmannö alli portakïta yachatsikunapaq, 17  tsënöpa Diosta sirweq nuna chipyëpa alli yachaq kanampaq y imëka alli rurëpaq listu këkänampaq.

Päginapa ura kuchunchö willakïkuna

Kënöpis niyanmi: umanta.
Kënöpis niyanmi: traicionakoq.
O: “upa”.
Kënöpis niyanmi: yärakuynëta.
O: “corriginapaq”.