Llapan kanqanman ëwari

Qateqnin kaqman ëwë

Qallananchö tïtulukunaman ëwë

Jehoväpa testïgunkuna

Quechua (Ancash)

Këchö Biblia | TRADUCCIÓN DEL NUEVO MUNDO DE LAS SANTAS ESCRITURAS

2 Corintius 3:1-18

IMAKUNA KANQAN

  • Allita parlaq carta (1-3)

  • Mushoq conträtupa sirweqninkuna (4-6)

  • Mushoq conträtupa mas jatun chipapäkïnin (7-18)

3  ¿Precisanku yapë kikïkunapaq allita parlar qallëkuyänä? ¿O wakin nunakunanöku noqakunapita allita parlaq cartata qamkunapaq o qamkunapita wanayä?*  Kikikikunam tsë cartäkunaqa kayanki, shonqükunachö qellqashqa këkaq, y llapan nunakunam reqiyan y leyiyan.  Porqui qamkunaqa rikätsikuyanki Diospa sirweqninnö qellqayanqä Cristupita carta kayanqëkitam, manam tintawan qellqashqatsu, sinöqa kawëkaq Diospa espïritunwanmi, manam läja* rumichötsu, sinöqa ëtsapita rurashqa läja ruminö shonqukunachömi.  Cristurëkurmi tsënöqa Diosman markäkuntsik.*  Manam noqantsikpitatsu imatapis alli ruranapaq listu këkantsik, noqantsikpita imallapis shamunqanta pensanapaqqa, sinöqa listu këkanqantsikqa Diospitam shamun.  Pëmi mushoq conträtupa sirweqnin kanapaq alleq alistamarquntsik, manam qellqashqa Leypa sirweqnin kanapaqtsu, sinöqa santu espïritupa sirweqnin kanapaqmi; porqui qellqashqa Leyqa wanïmanmi nunata condenan, peru santu espïrituqa kawëtam nunata qon.  Peru wanïman apakoq y rumichö qellqashqa Ley chipapäkïkar shamushqa këkaptin, y tsënöpa Israelpa tsurinkuna Moisespa qaqllanta alläpa chipapaptin rikëta mana puëdikäyaptin, y tsë chipapäkï ushakänanllapaq kashqa këkaptinqa,  ¿imanir-raq santu espïritu rurëta puëdinqanqa masraq chipapanmantsu?  Porqui nunakunata wanïman apaq Ley chipapäkoq kashqa këkaptinqa, nunakunata alli kaqta ruraq këman chätseq rurënäqa mas chipapäkoqran kanan. 10  Awmi, juk tiempuchö chipapäkïkaq këman chashqa kaqpis, chipapäkïnimpitam jorqashqa kashqa, mas chipapäkïyoq kaqrëkur. 11  Porqui ushakänanllapaq kaq chipapäkïkar shamushqa këkaptinqa, ¡imanö mas jatunraq kanman imëyaqpis kanampaq kaqpa chipapäkïninqa! 12  Tsënö shuyäkïyoq karmi, alli cläru parlëkantsik, 13  y manam Moises ruranqantatsu rurantsik, pëqa juk vëlutam qaqllanman churakurqan, tsënöpa ushakänanllapaq kaq imaman chätsikunqanta Israelpa tsurinkuna alleq mana rikäyänampaq. 14  Peru pensëninkunaqa chukrum tikrarirqan. Porqui kanan junaqyaqmi, tsë vëluqa unë kaq conträtuta leyiyaptin manaraq jorqashqaraqtsu kashqa, porqui Cristurëkurllam* jorqakärin. 15  Awmi, kanan junaqyaqmi Moises qellqanqanta leyiyaptinqa, pëkunapa shonqunkunachö juk vëlu churarëkan. 16  Peru pipis Jehoväman* kutiptinqa, tsë vëluqa jorqakärinmi. 17  Jehoväqa* Espïritum, y Jehoväpa* santu espïritun këkanqanchöqa, libri këmi kan. 18  Y llapantsikmi Jehoväpa* chipapäkïninta mana tsapashqa qaqllantsikwan imëka espëju cuenta rikätsikïkar, pë niraqlla kënintsikchö juk chipapëpita juk chipapëman tikrarintsik, imëka Jehovä* rurashqa kanqannö, pëqa Espïritum.*

Päginapa ura kuchunchö willakïkuna

Kënöpis niyanmi: necesitäyä.
Kënöpis niyanmi: läpa.
Kënöpis niyanmi: yärakuntsik.
Kënöpis niyanmi: Cristullawanmi.
Diospa jutin Jehoväqa ishkë pachak kima chunka qanchis (237) kutim kë Bibliapa versïculunkunachö yurin, y këmi juk kaq. Rikäri “Käyitsikïkuna” nishqanta.
Rikäri “Käyitsikïkuna” nishqanta.
Rikäri “Käyitsikïkuna” nishqanta.
Rikäri “Käyitsikïkuna” nishqanta.
Rikäri “Käyitsikïkuna” nishqanta.
O, itsapis: “imëka Jehoväpa espïritumpa rurashqanö”.