Llapan kanqanman ëwari

Qateqnin kaqman ëwë

Qallananchö tïtulukunaman ëwë

Jehoväpa testïgunkuna

Quechua (Ancash)

Këchö Biblia | TRADUCCIÓN DEL NUEVO MUNDO DE LAS SANTAS ESCRITURAS

1 Timoteu 2:1-15

IMAKUNA KANQAN

  • Tukïläya nunakunapaq mañakï (1-7)

    • Juk Diosllam kan y jukllaqllam conträtuchö yanapakoqpis (5)

    • Jutsapita libramänapaq precisanqan chaninta llapantsikpaq pagakun (6)

  • Ollqukunapaq y warmikunapaq consëju (8-15)

    • Alleq tantiyëkur vistikï (9, 10)

2  Tsëmi, imapitapis masqa mañayaq, Diosta rogakuyänëkipaq, mañakuyänëkipaq, jukkunapaq mañakuyänëkipaq, y agradecikuyänëkipaqmi, tukïläya nunakunapaq,  reykunapaq y precisaq cargukunachö këkaqkunapaq,* tsënöpa llapan shonquwan Diosta sirwirnin y imatapis gänas gänaslla rurar shumaq y yamë kawakur sïguinantsikpaq.  Tsëqa alläpa allim y chaskipaqnömi Salvamaqnintsik Diospa rikëninchö,  pëpa munëninqa llapan tukïläya nunakuna salvakuyänan y rasumpa kaqta alleq musyayänanmi.  Porqui juk Diosllam kan, y Dioswan nunakuna rurayanqan conträtuchö yanapakoqpis jukllaqllam, juk nunalla, Cristu Jesuslla,  pëmi jutsapita libramänapaq precisanqan chaninta llapantsikpaq* pagakurqan. . . këqa tiempunchömi musyatsikushqa kanan.  Tsëta musyatsikunärëkurmi yachatsikoq y apostol kanäpaq carguta chaskirqö —rasumpa kaqtam nï, manam ulikütsu*—, creikïpita y rasumpa kaqpita juk nacion nunakunapa yachatseqnin kanäpaq.  Tsëmi më tsëchöpis ollqu kaqkuna Diosta mañakur kayänanta munä, Diosta mana jaqeq kayanqampita makinkunata pallarir, mana piñakushpa* y mana discutishpa.  Jina tsënölla warmikunapis shumaq* vistikur altsapäkuyätsun, alleq tantiyëkur y alli juiciuwan,* ama piltakur pasëpa möñupäkurqa, ni öruwan o perlaskunawan o alläpa chaniyoq röpakunawanqa, 10  sinöqa shonqupita patsë Diosta sirwiyanqanta rikätsikoq warmikunanö, juk parlakïchöqa, alli rurëkunawan. 11  Warmiqa upällalla* yachakutsun, chipyëpa respetakurnin cäsukur. 12  Manam warmi yachatsikunanta ni ollqupa janampa kananta jaqïtsu, sinöqa upällallam kanan.* 13  Porqui Diosqa Adantam puntata rurashqa karqan, tsëpitaran Ëvata. 14  Jinamampis manam Adantsu engañashqa karqan, sinöqa warmim chipyëpa engañashqa karqan y mana allita ruraq këman charqan. 15  Tsënö kaptimpis, warmiqa següru kanqa wamrakunayoq karmi, peru següru kanampaqqa markäkïchö, kuyakïchö y alli juiciuwan* limpiu shonquyoq* këchömi pëqa* imëpis tsarakunan.

Päginapa ura kuchunchö willakïkuna

O: “autoridäyoqkunapaq”.
O: “tukïläya nunakunapaq”.
Kënöpis niyanmi: llullakötsu.
Kënöpis niyanmi: ajäkuypa.
O: “respetëpaq”.
O: “alli yachëwan”.
O: “shumaqlla; yamëlla”.
O: “yamëllam kanan; wiyaräkunanmi”.
O: “alli yachëwan”.
O: “Diospaq rakishqa”.
Griëgu idiömachöqa “pëkunaqa” ninmi.