Llapan kanqanman ëwari

Qallananchö tïtulukunaman ëwë

Jehoväpa testïgunkuna

Idiömata akrë Quechua (Ancash)

1 Juan 1:1-10

IMAKUNA KANQAN

  • Kawëta qokoq palabra (1-4)

  • Aktsichö puri (5-7)

  • Jutsallakunqantsikta willakï precisanqan (8-10)

1  Qallanampita kashqa kaqpita, wiyayanqä kaqpita, nawïkunawan rikäyanqä kaqpita, alleq rikäyanqä y makïkunawan yatayanqä kaqpitam, kawëta qokoq palabrata apamoq kaqpita  (awmi, imëyaqpis kawëqa rikakashqam karqan, y noqakunam rikäyarqä, y Teytapita shamoq y rikätsiyämanqan imëyaqpis kawakïpitam qamkunata musyëkätsiyaq y willëkäyaq),  rikäyanqäta y wiyayanqäta qamkunatapis willëkäyaq, tsënöpa qamkunapis noqakunawan juknölla* kayänëkipaq. Y tsënö juknölla kënintsikqa Teytawan y Tsurin Jesucristuwan juknölla këmi.  Tsëmi këkunata qamkunaman qellqëkäyämü, tsënöpa kushikïnintsik chipyëpa kanampaq.  Kë willakïtam pëpita wiyayarqä, y tsëtam qamkunata willëkäyaq: Diosqa aktsim, y pëchöqa* manam ni ima ampipis* kantsu.  Sitsun, “pëwan juknöllam kantsik” nintsik, peru ampichö purir sïguikantsik, tsëqa ulikïkantsikmi,* y manam rasumpa kaqmannötsu kawëkantsik.  Tsënö kaptimpis, sitsun aktsichö purintsik, kikimpis aktsichö këkanqannö, tsëqa juknintsik juknintsikpis juknöllam kantsik, y Tsurin Jesuspa yawarninmi llapan jutsapita limpiamantsik.  Sitsun, “manam jutsantsik kantsu” nintsik, tsëqa kikintsiktam engañakïkantsik, y manam noqantsikchötsu rasumpa kaq këkan.  Diosqa markäkïpaqmi* y alli kaqta ruraqmi, tsëmi jutsantsikkunata willakushqaqa perdonamäshun y llapan mana alli kaq rurëpita limpiamäshun. 10  Sitsun, “manam jutsallakurquntsiktsu” nintsik, tsëqa pëtam ulikoqtanö* churëkantsik, y palabranqa manam noqantsikchötsu këkan.

Päginapa ura kuchunchö willakïkuna

O: “juntakaq”.
O: “pëwan juntuqa”.
Kënöpis niyanmi: tsakaypis; tutapëpis.
Kënöpis niyanmi: llullakuykantsikmi.
Kënöpis niyanmi: yärakuypaqmi.
Kënöpis niyanmi: llullakoqtanö.