Ri oj testigos rech Jehová kqakoj qachuqʼabʼ rech rukʼ loqʼoqʼebʼal, utzilal y respeto keqil ri e nikʼaj chik. We jun Testigo qas ta chi kbʼe pa ri riqbʼal ibʼ o reuniones, kel ta chi más pa ri predicación o xuya kan ubʼanik ronojel, kojtzijon rukʼ a y kqakʼutu che kqaj. Y kqatoʼo rech kqebʼ chi jumul rukʼ ri Dios (Lucas 15:4-7).

 Jujun taq mul kesax bʼi pa ri congregación rumal ri kubʼano (1 Corintios 5:13). E loqʼ ri qachalal chqawach, are chiʼ majaʼ kesax bʼi pa ri congregación kqaya ri tobʼanik rajawaxik che. Y paneʼ esam chi bʼi pa ri congregación kqakʼut na loqʼoqʼebʼal y respeto che, junam rukʼ ri kubʼij ri Biblia che kqabʼano (Marcos 12:31; 1 Pedro 2:17).

¿Jas o su kubʼan jun winaq rech kesax bʼi pa ri congregación?

 Ri Biblia kubʼij che we jun cristiano kubʼan jun nimalaj mak y kraj taj kukʼex ri ukʼaslemal o kukʼex ri tajin kubʼano, rajawaxik kesax bʼi pa ri congregación b (1 Corintios 5:11-13). Pero, ¿su mak kubʼano rech kesax bʼi pa ri congregación? Ri Biblia kubʼij jujun chke, ri makunik kukʼ achijabʼ ixoqibʼ o adulterio, ri qʼabʼarik, ri kamisanik, ri elaqʼ y are chiʼ jun achi kubʼan kʼax che ri rixoqil o violencia doméstica (1 Corintios 6:9, 10; Gálatas 5:19-21; 1 Timoteo 1:9, 10).

 Pero chanim taj kesax bʼi jun winaq xubʼan jun mak. Nabʼe, ri ajkʼamal bʼe re ri congregación c kyaʼ ri tobʼanik che rech kukʼex ri ukʼaslemal (Romanos 2:4). Y kkikoj kichuqʼabʼ rech rukʼ utz taq tzij ketzijon rukʼ rech kopan pa ranimaʼ, nim kkil wi y kkaj (Gálatas 6:1). Y wariʼ ktobʼan che rech kril ri xsach wi y kubʼan arrepentir ribʼ (2 Timoteo 2:24-26). Paneʼ xtoʼ kumal ri ajkʼamal bʼe pa ri congregación pero kraj taj kukʼex ri ukʼaslemal o kraj taj kubʼan arrepentir ribʼ, kesax bʼi pa ri congregación. Ri ajkʼamal bʼe kkiya jun anuncio pa ri congregación che ri winaq ya testigo rech Jehová ta chik.

 ¿Jas tobʼanik kuya che ri congregación are chiʼ kesax bʼi jun winaq che kuya ta kan ubʼanik ri umak? Nabʼe, rech knimax ri kubʼij ri Dios y rech kechajix ri e qachalal rech kkibʼan ta ke ri kubʼan ri ajmak (1 Corintios 5:6; 15:33; 1 Pedro 1:16). Rukʼ wariʼ, ri winaq kuya kan ubʼanik ri itzel taq jastaq y kukoj uchuqʼabʼ che ukʼexik ri ukʼaslemal (Hebreos 12:11).

¿Su kkibʼan ri testigos rech Jehová che kilik ri e esam bʼi pa ri congregación?

 Ri Biblia kubʼij che ri cristianos kekʼojiʼ ta chi rukʼ ri esam bʼi pa ri congregación y kewaʼ ta rukʼ (1 Corintios 5:11). Pero wariʼ kraj ta kubʼij che kojchʼaw ta chi rukʼ, xaneʼ kqabʼan respetar. Ri winaq che Testigo ta chik utz upetik pa taq ri reuniones y ri e qachalal kekowinik kkibʼan saludar. d Y kkowinik kutaʼ tobʼanik chke ri kʼamal taq bʼe.

 ¿Jas kbʼantaj rukʼ ri winaq che xesax bʼi pa ri congregación pero kʼo rixoqil y ralkʼwal e Testigos? Paneʼ junam ta chik kkiya uqʼij ri Dios, pero u familia na. Rumal che junam ja e kʼo wi kkiloqʼoqʼej na kibʼ.

 Ri e winaq che esam chi bʼi pa ri congregación kkowinik kubʼij chke ri kʼamal bʼe kkibʼan visitar. Rukʼ loqʼoqʼebʼal kkibʼij che ri kukʼut ri Biblia y kkibʼan animar rech kubʼan arrepentir ribʼ y ktzalij chi rukʼ ri Dios (Zacarías 1:3). We ri winaq kuya kan ubʼanik ri utz taj y kukʼutu che xubʼan arrepentir ribʼ, kkowinik ktzalij chi lo pa ri congregación. Ri e qachalal kkikuy ri umak, y kkikubʼsaj ukʼuʼx junam rukʼ ri xkibʼan ri qachalal re Corinto are chiʼ jun ajmak xukʼex ri ukʼaslemal y xubʼan arrepentir ribʼ (2 Corintios 2:6-8).

¿Su xkinaʼ ri xeʼesax bʼi pa ri congregación pero despúes xtzalij chi loq?

 Chawilaʼ ri xkibʼij jujun chke ri testigos rech Jehová che xeʼesax bʼi pa ri congregación pero xetzalij chi loq.

 «Are chiʼ xinchomaj kintzalij chi pa ri congregación, xinchomaj che ri kʼamal taq bʼe kkitaʼ chwe juntir ri xinbʼano are chiʼ xinel bʼik. Pero je ta xkibʼano xaneʼ xkibʼij chwe: ‹Chakojoʼ achuqʼabʼ kamaj chi jumul›. Rukʼ wariʼ ri xkibʼij chwe, xkubʼiʼ nukʼuʼx...» (kcha María, Estados Unidos).

 «Kkaj ri congregación kintzalij chi loq. Y xkikʼutu che kinkaj. Ri e qachalal y ri Jehová xkikʼutu che xkikuy numak y xinkitoʼo rech kinkoj más nuchuqʼabʼ. Ri kʼamal taq bʼe, xkikubʼsaj nukʼuʼx, xinkitoʼo rech kinux chi ramigo ri Jehová. Y che ri Jehová nim kinril wi y kinraj» (kcha Malcom, Sierra Leona).

 «Kuya kikotemal chwe che rilik che ri Jehová nim kril wi ri utinamit rumal laʼ kraj che saq. Kʼax ubʼanik aceptar katesax bʼik, pero wariʼ kukʼutu che ri Jehová katraj rumal laʼ kubʼan wariʼ. ¡Sibʼalaj kintyoxij che ri Jehová ri uloqʼoqʼebʼal y ri kuybʼal makaj kukʼut chwe!» (kcha Sandi, Estados Unidos).