Ir al contenido

Ir al índice

Testigos rech Jehová

Uchaʼik jun chʼabʼal quiché

 KʼUTUNEM 19

Ri bʼim kanoq che kul ubʼanik kʼa pa qaqʼij

Ri bʼim kanoq che kul ubʼanik kʼa pa qaqʼij

Ri Jesús xubʼij kanoq ri kbʼanik rech ketaʼmaxik che xumajij uqʼatik tzij xuqujeʼ che naqaj chik kʼo wi ri ukʼisbʼal ri itzelal

CHIʼ e kʼo pa ujuyubʼal ri Olivos, che chilaʼ qʼalaj ri Jerusalén xuqujeʼ ri loqʼalaj ja, kajibʼ chike ri apóstoles xkitaʼ che ri Jesús pa utukel che kubʼij chike ri kraj kubʼij jun tzij che ubʼim chik. Xubʼij che ri loqʼalaj ja ksach na uwach, xuqujeʼ ubʼim chi chike chirij ri kʼisbʼal (Mateo 13:40, 49). Rumal laʼ xkitaʼ che: «Chabʼij chaqe, ¿jampaʼ kkʼulmax waʼ? ¿Jas ri etal chiʼ at kʼo chi qukʼ waral xuqujeʼ che tajin kkʼis ri tajin kbʼan che ubʼanik ri jastaq kimik?» (Mateo 24:3, TNM).

Ri Jesús xubʼij chike ri kbʼanik chiʼ naqaj chik kʼo wi usachisaxik uwach ri Jerusalén xuqujeʼ ri loqʼalaj ja. Tekʼuriʼ, ri xubʼij xaq ta chirij ri Jerusalén kchʼaw wi, rumal che kopan na jun qʼij che kbʼan riʼ cho ronojel ri uwach Ulew. Rech kkichʼobʼo chiʼ kumaj uqʼatik tzij, ri winaq rajawaxik kkalwachij jun etal: kʼi jastaq kbʼan cho ronojel ri uwach Ulew chiʼ Jesús kumaj uqʼatik tzij. Wajun etal riʼ kukʼut riʼ che ri Jehová xubʼan Ajawinel che ri Jesús rech ri Rajawbʼal ri Mesías wajun Ajawinel riʼ kukʼis ri itzelal xuqujeʼ kuya jororibʼal pa ri uwach Ulew. Ri etal che xubʼij kan ri Jesús kukʼut ri ukʼisbʼal ri itzel taq jastaq che kʼo cho ri uwach Ulew —ri e político, ri ubʼanik ri kikʼaslemal ri winaq xuqujeʼ ri kojonik— xuqujeʼ kukʼutu che naqaj chik kʼo wi ri kʼakʼ uwach Ulew.

Ri Jesús xubʼij kanoq, che chiʼ areʼ kumaj uqʼatik tzij pa ri kaj, pa ronojel ri uwach Ulew kpe chʼoj, wiʼjal, nimaʼq taq kabʼraqan, yabʼil xuqujeʼ nim ta chi kil wi ri taqonik. Xuqujeʼ xubʼij kanoq che ri qas rajtijoxelabʼ kkibʼij pa ronojel ri uwach Ulew ri utz taq jastaq che kubʼan ri Rajawbʼal ri Dios. Ri kʼisbʼal re ri etal are ri «nimalaj kʼaxkʼolil», ri qʼij che más kʼax pa kikʼaslemal ri winaq (Mateo 24:21).

¿Jas kkibʼan ri cristianos che uchʼobʼik che naqaj chik kʼo wi ri kʼax riʼ? Ri Jesús xubʼij chike ri rajtijoxelabʼ: «Chiwesaj inoʼj chirij ri ucheʼal higo» (Mateo 24:32). Pa Israel, chiʼ jun ucheʼal higo ktuxanik, kukʼutu che naqaj chik kʼo wi ri saqʼij. Je waʼ, chiʼ xaq junam kbʼan ronojel ri xubʼij ri Jesús, kqachʼobʼ riʼ che ri kʼisbʼal naqaj chik kʼo wi. Tekʼuriʼ, ri Jesús xubʼij che xiw ri Utat retaʼm ri qʼij che kuchaplej ri nimalaj kʼax. Rumal laʼ, xubʼij: «Chixkʼaskʼatoq; man iwetaʼm ta kʼu ri qʼij» (Marcos 13:33).

(Esam chupam ri capítulo 24 xuqujeʼ 25 rech Mateo, ri capítulo 13 rech Marcos xuqujeʼ ri capítulo 21 rech Lucas.)

^ párr. 14 Rech kawetaʼmaj más chirij ri bʼim kan chirij ri Jesús, chawilaʼ pa ri uxaq 86 kopan 95 rech ri wuj ¿Su qas kukʼut ri Loqʼalaj Pixabʼ?, bʼanom kumal ri testigos rech Jehová.