Ir al contenido

Ir al índice

Testigos rech Jehová

Uchaʼik jun chʼabʼal quiché

Jupaj tzij chke ri keʼopanik

Jupaj tzij chke ri keʼopanik

ACOMODADORES. Ri acomodadores e kʼo che atoʼik. Chabʼanaʼ ri kkibʼij chawe más are chiʼ kkibʼij chawe jachiʼ kaya wi ri achʼichʼ, ri bʼinem pa taq ri pasillos, ri utasik ri e tem xuqujeʼ nikʼaj chik jastaq.

E TEM. Kqabʼij chawe che katchoman chkij ri nikʼaj chik. Chnaʼtaj chawe che xaq xiw katas kikʼolbʼal ri afamilia, ri kebʼe awukʼ pa ri achʼichʼ, ri e kʼo awukʼ pa ri awachoch o tajin kaya etaʼmanik re ri Biblia chke. Kaya ta jastaq pa uwiʼ ri e tem che kakoj taj.

JASTAQ CHE TZAQOM KANOQ. We kariq jun jastaq che tzaqinaq kanoq, chayaʼ pa ri Departamento re jastaq che tzaqom kanoq. We kʼo atzaqom kanoq, chatzukuj pa ri kʼolbʼal riʼ. Xuqujeʼ kuya kakʼam bʼi ri e akʼalabʼ che xesach kanoq. Are kʼu, ri qas ubʼantajik ri departamento man are ta kichajixik ri e akʼalabʼ. Chibʼanaʼ jun toqʼobʼ, qas chichajij ri iwalkʼwal xuqujeʼ chekʼol chinaqaj pa ronojel tiempo.

KUCHUJ. Sibʼalaj xkoj nim pwaq rech utz ri e tem, sistema re sonido xuqujeʼ re video, xuqujeʼ e nikʼaj chik chak che kuya kqariq ri qastzij kikotemal pa ri nim riqbʼal ibʼ xuqujeʼ kojqebʼ más rukʼ ri Jehová. Ri ikuchuj ktobʼan che utojik ri xsachik xuqujeʼ ktobʼan che ri chak cho ronojel ri uwach Ulew. Pa ronojel ri kʼolbʼal re ri nim riqbʼal ibʼ kʼo kaxon re kuchuj che kʼo wuj chuwach che kubʼij ri ubʼantajik. Sibʼalaj kqamaltyoxij ri kuchuj che kibʼano. Ri Jupuq Ajkʼamal bʼe cho ronojel uwach Ulew qas kkaj kemaltyoxin che ri jeʼlalaj chuqʼabʼ che kisipaj che ri uQʼatbʼal tzij ri Dios.

PRIMEROS AUXILIOS. Qas chnaʼtaj chiwe che ri departamento riʼ XAQ XIW re we qas KʼO KAJWATAJIK.

QASANJAʼ. Ktas ri e tem che e kʼo chuwach ri plataforma rech ri kkibʼan kiqasanjaʼ kkikojo, o kkoj jun etal che kubʼij che are pa jun chi lugar. Rajawaxik che ri kkibʼan kiqasanjaʼ ketʼuyiʼ chilaʼ are chiʼ majaʼ kumaj ri chʼabʼal re qasanjaʼ pa sábado aqʼabʼil. Rajawaxik che konojel kkikʼam lo jun kitoalla xuqujeʼ katzʼyaq che qas utz.

RI KKAJ KECHAKUNIK. We kawaj kattobʼan pa ri chak re ri nim riqbʼal ibʼ, utz che katbʼe pa ri Departamento re Información y Servicio Voluntario.

RIQBʼAL IBʼ CHE NIM KIBʼANIK

TIJOBʼAL CHKE RI KKIYA UBʼIXIK RI AJAWBʼAL. Kbʼix chke ri precursores che kʼo 23 kopan 65 kijunabʼ che kkaj kkibʼan más nim che ri kichak utz keʼopan pa jun riqbʼal ibʼ che kbʼan pa domingo bʼenaqʼij chke ri kkaj kebʼe pa wajun tijobʼal riʼ. Ri hora xuqujeʼ ri lugar kbʼix lo pa ri plataforma.

Bʼanom rumal ri Jupuq Ajkʼamal bʼe cho ronojel uwach Ulew