Ir al contenido

Ir al índice

Testigos rech Jehová

Uchaʼik jun chʼabʼal quiché

 PREGUNTA 4

¿Jas kinbʼan che usukʼumaxik ri numak?

¿Jas kinbʼan che usukʼumaxik ri numak?

JASCHE RAJAWAXIK

We kabʼij ri xabʼano, katux jun winaq che kabʼan ri kataq wi xuqujeʼ kkikubʼsaj kikʼuʼx ri nikʼaj chik chawij.

¿AT JAS KABʼANO?

Chachomaj wariʼ: Tim tajin ketzʼan kukʼ ri e rachiʼl, xaq kʼateʼ, xupaxij ri vidrío re ri uchʼichʼ ri ukʼulja rukʼ jun pelota.

et at, at Tim, ¿jas kabʼan riʼ?

QAS CHACHOMAJ

OXIBʼ JASTAQ CHE KATKUNIK KABʼANO:

  1. Pa anim katel bʼik.

  2. Kaqʼabʼaj chrij jun chik.

  3. Kabʼij che ri akʼulja ri xkʼulmatajik xuqujeʼ kabʼij che katoj ri kʼax xabʼano.

Weneʼ are kachomaj ri opción A. Are kʼu are utz che kabʼij che at ri ajmak, nitzʼ o nim ri xabʼano.

 OXIBʼ RUMAL RECH KABʼIJ RI AMAK

  1. Ri utz kabʼano.

    Ri Biblia kubʼij: «Kaqaj kʼut chi utz kujbʼin pa ronojel» (Hebreos 13:18).

  2. We kabʼij ri amak, kubʼano che kʼax taj che ri nikʼaj chik kkisach amak.

    Ri Biblia kubʼij: «Ri kebʼusach utzaʼm ri makaj man utz ta kel na; areʼ kʼu ri kebʼuqʼalajisaj kutanabʼaʼ kʼu kibʼanik, kasach na umak» (Proverbios 28:13).

  3. Ri más nim ubʼanik: kakikotemaj ri Jehová.

    Ri Biblia kubʼij: «Ri Ajawaxel karetzelaj kʼu kiwach ri e bʼanal taq etzelal, kape kʼu che jeqelem kukʼ ri e sukʼ» (Proverbios 3:32).

Karina, kʼo 20 ujunabʼ, xraj xukʼuʼ chuwach ri utat che xesax umulta rumal che sibʼalaj aninaq kubʼinisaj ri uchʼichʼ are kʼu xkun taj xukʼuʼ ronojel tiempo. «Weneʼ qʼaxinaq chi jun junabʼ ri nutat xril ri multa che kʼo pa nubʼiʼ —xchaʼ Karina—. ¡Xinnim wibʼ pa jun nimalaj kʼax!».

¿Jas ri kukʼut chqawach? Karina kubʼij: «We kqaj qakʼuʼ ri qamak xa knimataj ri jastaq. Kopan na jun qʼij che katoj ri kʼax xabʼano».

CHAWETAʼMAJ CHRIJ RI AMAK

Ri Biblia kubʼij: qonojel «kujqaj pa kʼi kiwach sachinaqil» (Santiago 3:2). Xuqujeʼ, junam rukʼ ri qilom chik, we chanim kqabʼij ri qamak kukʼutu che kbʼan ta nim che qibʼ xuqujeʼ nim chi ri qakojonik.

Ri jun chik are kawetaʼmaj chrij ri amak. Jun ali ubʼiʼ Vera kubʼij: «Kinkoj nuchuqʼabʼ rech kʼo kwetaʼmaj chrij ri kinbʼano che utz taj. Pa jujun chke kʼo kwetaʼmaj chrij rech kinutoʼ rech kinux más utz winaq. Rumal laʼ pa jun chi mul che kinkʼulmaj jun jastaq junam rukʼ, jun chi ubʼanik kinbʼano». ¿Jas kabʼan at pa jujun chke we jastaq riʼ?

We ri atat kuya kan ri ubicicleta chawe tekʼuriʼ kabʼan kʼax che. ¿Jas kabʼan riʼ?

  • Kinbʼij ta che; weneʼ kril taj.

  • Kinbʼij che ronojel ri xkʼulmatajik.

  • Kinbʼij che ri xbʼantajik, are kʼu kinbʼij che jun chik xbʼanowik.

Xabʼan jun examen tekʼuriʼ xatkun taj xatzʼaqatisaj rumal che xatijoj ta awibʼ. ¿Jas kabʼan riʼ?

  • Kinbʼij che sibʼalaj kʼax ri examen.

  • Kinbʼij che numak rumal che xintijoj ta wibʼ.

  • Kinbʼij che ri ajtij xa kinraj taj.

We kawesaj ta pa ajolom ri xabʼan kan nabʼe kjunamataj riʼ rukʼ che xa chawij katkaʼy wi chiʼ kabʼinisaj ri achʼichʼ.

 Chatchoman chrij ri kebʼ jastaq riʼ xuqujeʼ chachomaj che at kʼo pa ukʼolbʼal 1) ri atat xuqujeʼ 2) ri awajtij. ¿Jas kkichomaj riʼ we kabʼij ri amak? ¿Jas kkichomaj riʼ we kakʼuʼ?

Tekʼuriʼ chachomaj ri xabʼan pa wajun junabʼ riʼ che utz taj xuqujeʼ chatchoman chrij ri e preguntas riʼ:

¿Jas ri xabʼano che utz taj? ¿Jas xabʼano chiʼ xawilo che utz taj?

  • Xinkoj nuchuqʼabʼ che ukʼuʼik.

  • Xinqʼabʼaj ri numak chrij jun chik.

  • Chanim xinbʼij ri xkʼulmatajik.

We xabʼij ta ri amak, ¿jas xanaʼo?

  • ¡Sibʼalaj utz! Utz xel ri xinchomaj.

  • Kʼax. Are utz wet xinbʼij ri qastzij.

¿Jas riʼ ri más utz wet xabʼano?

¿Jas xawetaʼmaj chrij ri amak xabʼano?

¿JAS KACHOMAJ?

¿Jasche jujun taq mul kʼax ubʼixik ri qamak?

¿Jas kkichomaj ri winaq chawij we amaqʼel kakʼuʼ ri amak? Are kʼu, ¿jas kkichomaj we kabʼij ri amak? (Lucas 16:10).