Ir al contenido

Ir al índice

Testigos rech Jehová

Uchaʼik jun chʼabʼal quiché

 PREGUNTA 7

¿Jas kinbʼano we kbʼix chwe kinqʼoyiʼ rukʼ jun winaq

¿Jas kinbʼano we kbʼix chwe kinqʼoyiʼ rukʼ jun winaq

JASCHE RAJAWAXIK

Ri kachaʼ ubʼanik are laʼ ri kayak na uwach pa ri petinaq.

¿AT JAS KABʼANO?

Chachomaj wajun jastaq riʼ: Heather xuqujeʼ Mike kʼateʼ kebʼ ikʼ tajin kkichʼabʼej kibʼ, are kʼu ri ali kunaʼo che je ta neʼ ojer chik. Ronojel ri qʼij kkitaq bʼi mensajes xuqujeʼ kechʼaw pa teléfono jujun mul ketaʼm chi ri kubʼij ri jun are chiʼ majaʼ kchʼawik. Are kʼu, kimik Mike xaq xiw ta chi kraj ketzijonik.

Pa ri e qʼij riʼ, Mike xuqujeʼ Heather xaq xiw kkichap ri kiqʼabʼ xuqujeʼ jujun mul kitzʼumam kichiʼ. Ri ali kraj taj kubʼan chi nikʼaj jastaq, are kʼu kraj taj che kyaʼ kan rumal ri ala. Kʼo ta jun chik kbʼin che, che sibʼalaj utz kkaʼyik xuqujeʼ nim ubʼanik. «Are kʼu kuchomaj, Mike xuqujeʼ in sibʼalaj kqaj qibʼ».

We nim chi ajunabʼ rech kachʼabʼej jun ala xuqujeʼ wet at Heather, ¿jas kabʼan riʼ?

QAS CHACHOMAJ

Ri qʼoyolem rukʼ jun achi o ixoq are jun sipanik re ri Dios che xaq xiw kyaʼ chke ri e kʼulanik. Are chiʼ katqʼoyiʼ rukʼ jun winaq are chiʼ majaʼ katkʼuleʼik jeʼ ta neʼ che nim ta kawil wi wajun sipanik riʼ. Junam rukʼ che ksipax jun utzalaj camisa chawe are kʼu ri at kakoj che jun trapeador.

We kabʼan ta jun chke ri taqanik rech ri kʼaslemal, jun chke are ri ley de la gravedad, kariq kʼax riʼ. Xuqujeʼ junam rukʼ ri taqanik rech ri moralidad, jun chke are ri fornicación, che are ri qʼoyolem rukʼ jun ala o ali nabʼe chuwach ri kʼulanem (1 Tesalonicenses 4:3).

¿Jas kʼax kuya che knimax ta wajun taqanik riʼ? Ri Biblia kubʼij: «Apachin kʼut ri kumakuj kukʼ ixoqibʼ achijabʼ, kunaq ri qas ucuerpo che makaj» (1 Corintios 6:18). ¿Jas kraj kubʼij wariʼ?

 Ri ilom are che kʼi chke ri alabʼom alitomabʼ kibʼanom chi relaciones sexuales are chiʼ majaʼ kekʼuleʼik kkiriq jujun chke ri e kʼax riʼ:

  • KKINAʼ KʼAX PA KANIMAʼ. Kʼi chke ri alabʼom alitomabʼ kibʼanom chi relaciones sexuales are chiʼ majaʼ kekʼuleʼik sibʼalaj kkinaʼ kʼax pa kanimaʼ rumal ri xkibʼano.

  • KʼO TA CHI UKUBʼSAL KIKʼUʼX. Are chiʼ kibʼanom chik, kkichomaj jachin rukʼ qʼoyolnaq wi ri kikʼulaj.

  • KUPAXIJ RI KANIMAʼ. Pa kanimaʼ, kʼi chke ri alitomabʼ kkaj kekʼojiʼ rukʼ jun winaq che keʼuchajij are ta rukʼ jun che xa kubʼan kʼax chke. Kʼi chke ri alabʼom kkaj taj kekachilaj alitomabʼ che kkaj ronojel ri kbʼix chke.

  • Kʼisbʼal re: we at katqʼoyiʼ rukʼ jun winaq are chiʼ majaʼ katkʼuleʼik, katzaq jun jastaq che nim ubʼanik: ri abʼantajik (Romanos 1:24). Ri acuerpo sibʼalaj nim ubʼanik. ¡Kasipaj taj!

Chakojoʼ achuqʼabʼ xuqujeʼ katqʼoyiʼ ta rukʼ jun winaq are chiʼ majaʼ na katkʼuleʼik (1 Tesalonicenses 4:3). Are chiʼ katkʼuleʼik, katkunik kabʼano. Rech katkunik katkikot rumal rukʼ ta xibʼin ibʼ, rukʼ ta bʼisonik xuqujeʼ kanaʼ ta kʼax pa awanimaʼ, jastaq che kkinaʼ ri keqʼoyiʼ rukʼ jun winaq are chiʼ majaʼ kekʼuleʼik (Proverbios 7:22, 23; 1 Corintios 7:3).

 ¿JAS KACHOMAJ?

  • We kʼo jun katraj, ¡qastzij riʼ che kraj taj kuriq kʼax ri acuerpo xuqujeʼ ri awanimaʼ!

  • Xuqujeʼ we kʼo jun qas katraj, ¿la kutaʼ chawe che kabʼan jun jastaq che kubʼan kʼax che ri awachilanik rukʼ ri Dios? (Hebreos 13:4).