Ir al contenido

Ir al índice

Testigos rech Jehová

Uchaʼik jun chʼabʼal quiché

18. ¿La rajawaxik kinjach ri nukʼaslemal che ri Dios xuqujeʼ kinbʼan nuqasanjaʼ?

18. ¿La rajawaxik kinjach ri nukʼaslemal che ri Dios xuqujeʼ kinbʼan nuqasanjaʼ?

1 RI QASANJAʼ QAS RAJAWAXIK

«E kʼo jaʼ waral; ¿la ma ta lo kuya kabʼan ri nubautismo?» (Hechos 8:36).

¿Jasche xuqujeʼ jas ri kqabʼan che ri qaqasanjaʼ?

Are chiʼ xqabʼan qaqasanjaʼ xqakʼutu che xqaya kan ri nabʼe qakʼaslemal xuqujeʼ xqamaj ubʼanik ri urayibʼal ri Dios.

  • Mateo 28:19, 20

    Rajawaxik kqabʼan qaqasanjaʼ rech kqapatanij ri Jehová.

  • Salmo 40:8

    Ri qasanjaʼ kukʼutu che kqaj kqapatanij ri Dios.

  • Mateo 3:16

    Are chiʼ jun winaq kubʼan uqasanjaʼ, rajawaxik che ronojel ri ucuerpo kqaj pa ri jaʼ, junam rukʼ ri uqasanjaʼ ri Jesús.

2 JEHOVÁ KUTAʼ TA MÁS CHQE CHE RI KOJKUN CHE

«Ri uloqʼoqʼexik ri Dios are ri kinimaxik ri kakibʼij ri e utaqomal. Ri e utaqomal man e al taj» (1 Juan 5:3).

¿Jasche kqaxibʼij ta qibʼ che ujachik ri qakʼaslemal che Jehová?

  • Salmo 103:14; Isaías 41:10

    Rajawaxik taj che oj tzʼaqat taq winaq rech kqajach ri qakʼaslemal che Jehová. Areʼ kojutoʼ che ubʼanik ri utz.

  • Colosenses 1:10

    Ri loqʼoqʼenik che kqanaʼ che Jehová are más nim chuwach che kqaxibʼij qibʼ che kojkun ta che ubʼanik ri kutaʼ chqe.

3 RAJAWAXIK KʼO KQABʼAN NABʼE CHUWACH RI QASANJAʼ

«Kaqaj chnuwach ri ubʼanik ri rayibʼal la; ¡e nukʼolom ri tijonik la pa ri wanimaʼ!» (Salmo 40:8).

¿Jas rajawaxik kqabʼano are chiʼ majaʼ kqabʼan ri qaqasanjaʼ?

  • Juan 17:3

    KETAʼMAX CHRIJ RI UTZIJ RI DIOS

    Rajawaxik kqetaʼmaj chrij ri Jehová xuqujeʼ Jesucristo. Are chiʼ más kqetaʼmaj kiwach, más knimar ri qaloqʼoqʼenik chke.

  • Hebreos 11:6

    KKʼOJIʼ QAKOJONIK

    Rajawaxik che qas kojkojon chrij ri utzujum ri Dios kubʼano xuqujeʼ che ri tojbʼal mak xuya ri Jesús kojresaj pa ri mak xuqujeʼ ri kamikal.

  • Hechos 3:19

    KQATZALIJ QIBʼ

    Rajawaxik che kqanaʼ kʼax pa qanimaʼ che ri xqabʼan kan ojer che utz taj.

    KQAKʼEX RI QAKʼASLEMAL

    Rajawaxik kqaya kan ubʼanik ri itzel taq jastaq xuqujeʼ kqamaj ubʼanik ri utz taq jastaq.

  • 1 Pedro 4:2

    KQAJACH RI QAKʼASLEMAL CHE RI DIOS

    Kqajach ri qakʼaslemal che ri Jehová are chiʼ kqabʼan jun chʼawem che nim ubʼanik. Pa wajun chʼawem riʼ kqatzujuj che ri Dios ri uqʼijilaxik xuqujeʼ ri upatanixik kux ri más nim ubʼanik chqawach.