Ir al contenido

Ir al índice

Testigos rech Jehová

Uchaʼik jun chʼabʼal quiché

2. Ri Biblia petinaq rukʼ ri Dios

2. Ri Biblia petinaq rukʼ ri Dios

1 RI BIBLIA PETINAQ RUKʼ RI DIOS

«Ronojel ri Tzʼibʼatalik petinaq rukʼ ri Dios» (2 Timoteo 3:16).

¿Jasche ri Biblia are jun wuj che kʼo ta junam rukʼ?

Ri Biblia bʼanom traducir pa más che 2.800 chʼabʼal, xuqujeʼ jachom millones che.

Ri e pixabʼ che kʼo chupam kʼo ta jun chi wuj kqariq wi.

2 RI BIBLIA JUN WUJ RE BʼIM KANOQ

«Dios man bʼanal ta tzij» (Tito 1:2).

¿Jasche katkunik kakubʼsaj akʼuʼx chrij ri Biblia?

  • Isaías 44:27–45:2

    Ri Biblia xuya ubʼixik ri kbʼan che uchʼakik ri tinamit Babilonia kʼi junabʼ kanoq.

  • 2 Timoteo 3:1-5

    Kimik tajin kbʼantaj kʼi chke ri bʼim kan pa ri Biblia.

  • Números 23:19

    Kojkunik kqakubʼsaj qakʼuʼx chrij ri kubʼij ri Biblia chrij ri petinaq.

3 RI BIBLIA KKUNIK KATUTOʼ

«In [Jehová] ri aDios ri kinkʼut chawach jachike ri utz chawe» (Isaías 48:17).

¿Jas awetaʼmam at chrij ri Biblia?

  • Job 26:7; Isaías 40:22

    Ri Biblia kubʼij ri qastzij are chiʼ kchʼaw chrij ri ciencia.

  • Números 20:2-12

    Ri xetzʼibʼan ri Biblia qastzij ri xkitzʼibʼaj.

  • Mateo, capítulos 5 a 7

    Jesús xubʼij ri kqabʼano rech kojkikotik, ri kqabʼano rech kʼo utzilal chqaxoʼl, ri kqabʼan che ri qachʼawem xuqujeʼ ri kqabʼan che rilik ri pwaq.

4 RI BIBLIA KKUNIK KUKʼEX RI AKʼASLEMAL

«Ri utzij ri Dios kʼaslik xuqujeʼ kʼo ukuʼinem» (Hebreos 4:12).

¿Jas kubʼan ri utzij ri Dios che atoʼik?

  • Katutoʼ che uchʼobʼik ri urayibʼal ri Dios.

  • Katutoʼ che uchʼobʼik ri akʼaslemal.

  • Kkunik katutoʼ che uchʼobʼik ri kutaʼ ri Dios chawe.

Dios kraj che kasikʼij uwach, kawetaʼmaj chrij xuqujeʼ kaloqʼoqʼej ri Biblia.