Ir al contenido

Ir al índice

Testigos rech Jehová

Uchaʼik jun chʼabʼal quiché

10. Ri qas kibʼanik ri e ángeles xuqujeʼ ri e itzel taq uxlabʼal

10. Ri qas kibʼanik ri e ángeles xuqujeʼ ri e itzel taq uxlabʼal

1 RI E ÁNGELES E KʼO PA RI UFAMILIA RI DIOS

«¡Chitewichiʼj ri [Jehová] iwonojel ri ix rajchʼojabʼ, ri kixpatanin che kibʼan kʼu ri urayibʼal!» (Salmo 103:20).

¿Jas kubʼij ri Biblia chkij ri e ángeles?

  • Job 38:4-7

    Jehová xeʼubʼan ri e ángeles nabʼe chuwach ri Ulew.

  • Apocalipsis 5:11

    E kʼo millones e ángeles.

  • 1 Pedro 1:11, 12

    Ri e ángeles amaqʼel kkaj kketaʼmaj ri kubʼan ri Dios pa kiwiʼ ri e winaq xuqujeʼ ri Ulew.

  • Lucas 15:10

    Ri e ángeles sibʼalaj kkaj kketaʼmaj chkij ri rajpatanelabʼ ri Dios.

2 RI E ÁNGELES KEKITOʼ RI RAJPATANELABʼ RI DIOS

Ri ángel re ri Jehová «kebʼuchʼuqu xuqujeʼ kebʼutoʼtajisaj ri nim kakil wi» (Salmo 34:7).

¿Jasche qetaʼm che ri e ángeles kekunik kekʼitoʼ ri e winaq?

3 RI E ITZEL TAQ UXLABʼAL KKAJ KKIBʼAN KʼAX CHQE

«Jewaʼ rech man kʼo ta jas kuchʼak ri Satanás chqij. Qas kaqachʼobʼ kʼut ri unawinik» (2 Corintios 2:11).

¿E jachin ri e itzel taq uxlabʼal xuqujeʼ jasche kkaj kkibʼan kʼax chqe?

  • Apocalipsis 12:9

    Kʼo jun ángel che xuya kan unimaxik Jehová. Wajun ángel xkoj Satanás che ubʼiʼ.

  • Génesis 6:2

    Pa taq ri uqʼij Noé, e jujun ángeles xkesaj kibʼ pa uqʼabʼ Dios xepe waral cho ri uwach Ulew.

  • Mateo 9:34

    Ri e ángeles riʼ xebʼe rukʼ Satanás rech xeniman ta chik rumal laʼ xeʼux itzel taq uxlabʼal.

  • Deuteronomio 18:10, 11

    Ri e itzel taq uxlabʼal kkaj kkisach kichomanik ri winaq xuqujeʼ kkibʼan ronojel che ubʼanik kʼax chke.

4 KATKUNIK KACHAJIJ AWIBʼ CHKIWACH RI SATANÁS XUQUJEʼ RI E ITZEL TAQ UXLABʼAL

«Chiqʼatij uwach ri itzel, kanimaj kʼu na chiwach» (Santiago 4:7).

¿Jas rajawaxik kabʼan at rech Jehová katuchajij chkiwach ri Satanás xuqujeʼ ri itzel taq uxlabʼal?

  • Hechos 19:19

    Chasachaʼ uwach ronojel ri kʼo ubʼanik rukʼ ri kichak ri ajqʼijabʼ xuqujeʼ ri kukʼut ri magia, ri sobrenatural o ri e itzel taq uxlabʼal che kqʼalajinik che utz kilik.

  • Efesios 6:16, 18

    Chakowirisaj ri akojonik rukʼ retaʼmaxik chrij ri kubʼij ri Biblia xuqujeʼ chataʼ che ri Dios che katuchajij.

  • Proverbios 18:10

    Chakojoʼ ri ubʼiʼ ri Jehová.