Ir al contenido

Testigos rech Jehová

Uchaʼik jun chʼabʼal quiché

¿La kekʼastaj na ri kaminaqibʼ?

¿La kekʼastaj na ri kaminaqibʼ?

¿Jas (o su) kachomaj...

  • ... kekʼastaj na?

  • ... kekʼastaj taj?

  • ... weneʼ?

 RI KUBʼIJ RI UTZIJ RI DIOS

«Kekʼastaj na ri kaminaqibʼ.» (Hechos 24:15, U tzij ri Dios pa quiche aj Guatemala [SBU], ortografía actualizada.)

RI KUBʼAN PA AKʼASLEMAL

Kukubʼsaj akʼuʼx chiʼ kkam jun winaq che sibʼalaj kawaj (2 Corintios 1:3, 4).

Kubʼano che kaxibʼij ta awibʼ chuwach ri kamikal (Hebreos 2:15).

Kubʼano che qas kakojo che kawil chi na kiwach ri afamilia che e kaminaq (Juan 5:28, 29).

 ¿LA QASTZIJ KʼU RIʼ RI KUBʼIJ RI UTZIJ RI DIOS?

Qastzij, rumal oxibʼ jastaq:

  • Are ri Dios kyaʼow ri kʼaslemal. Ri Loqʼalaj Pixabʼ kubʼij «ukʼiyibʼal jaʼ re kʼaslemal» che ri Jehová Dios (Salmo 36:9; Hechos 17:24, 25). Qastzij wi, ri xbʼanow ronojel uwach kʼaslemal kkunik kuya chi jumul kikʼaslemal ri winaq che e kaminaq.

  • Ojer ri Dios xeʼukʼastajisaj nikʼaj kaminaqibʼ. Ri Loqʼalaj Pixabʼ kchʼaw chikij wajxaqibʼ kaminaqibʼ —akʼalabʼ, rijabʼ, achijabʼ xuqujeʼ ixoqibʼ— che ri Dios xeʼuwalajisaj cho ri uwach Ulew. Jujun chike kʼateʼ xekamik. Tekʼuriʼ ¡kʼo jun achi che kaminaq chi kajibʼ qʼij! (Juan 11:39-44.)

  • Ri Dios kraj kuya chi jumul kikʼaslemal ri kaminaqibʼ. Ri Jehová itzel kril ri kamikal; krilo che jachaʼ jun kʼulel (1 Corintios 15:26). Jehová sibʼalaj kraj kresaj wajun kʼulel riʼ kusach uwach chiʼ keʼukʼastajisaj lo ri kaminaqibʼ. Areʼ kraj kuya chi jumul kikʼaslemal cho ri uwach Ulew ri kaminaqibʼ che e kʼo pa ri uchomanik (Job 14:14, 15).

 CHACHOMAJ

¿Jasche kojrijobʼik xuqujeʼ kojkamik?

Ri Utzij ri Dios kuya ubʼixik chirij pa GÉNESIS 3:17-19 xuqujeʼ ROMANOS 5:12.