Ir al contenido

Ir al índice

Testigos rech Jehová

Uchaʼik jun chʼabʼal quiché

 KʼUTUNEM 53

Jehoiadá ko ranimaʼ

Jehoiadá ko ranimaʼ

Jezabel xkʼojiʼ jun ral ubʼiʼ Atalía che xaq junam ri kitzelal rukʼ ri unan. Atalía xkʼuliʼ rukʼ ri ajawinel re Judá. Are chiʼ xkamik, ri ukʼojol xux ajawinel. Are chiʼ xkam ri ukʼojol, Atalía xkanaj kan che ajawinel re Judá. Rech kʼo ta jun kesam ri ajawinik che, xraj xeʼukamisaj ri e ukʼojol ri ajawinel xuqujeʼ konojel ri kkaj keʼajawin pa ukʼaxel Atalía. ¡Xuqujeʼ xeʼukamisaj ri e uwiʼumam areʼ! Rumal laʼ, konojel kkixibʼij kibʼ che.

Ri kinimal ri kojol tabʼal toqʼobʼ, Jehoiadá, xuqujeʼ ri rixoqil ubʼiʼ, Jehoseba, ketaʼm che ri tajin kubʼan Atalía are sibʼalaj itzel. Rumal laʼ xkiya ri kikʼaslemal pa kʼax xkikʼuʼ jun chke ri e uwiʼumam Atalía, jun alaj neʼ ubʼiʼ Jehoás. Pa rachoch ri Dios xkʼiyisaj wi.

Are chiʼ Jehoás kʼo wuqubʼ ujunabʼ, Jehoiadá xeʼumulij konojel ri kʼamal taq bʼe kech ri e chajinelabʼ xuqujeʼ ri e levitas. Xubʼij chke: «Chichajij ri uchiʼ ri rachoch ri Dios. Kiya taj che kʼo jun kok loq». Tekʼuriʼ, Jehoiadá xukoj ri corona che Jehoás rech kux ajawinel re Judá. Tekʼuriʼ ri winaq xkiraq kichiʼ, xkibʼij: «¡Nim uqʼij ri ajawinel!».

Ri ajawinel Atalía xuto che e kʼo winaq tajin kewululik aninaq xbʼe pa rachoch ri Dios. Are chiʼ xril ri kʼakʼ ajawinel, xuraq uchiʼ, xubʼij: «¡Ix sukʼ taj! ¡Ix sukʼ taj!». Ri e kʼamal taq bʼe kech ri e chajinelabʼ xkichap ri itzelalaj ajawinel, xkikʼam bʼik tekʼuriʼ xkikamisaj. Ri ixoq riʼ xuya jun itzel kʼutbʼal pa ri tinamit. ¿Jas chi kkʼulmataj riʼ?

Jehoiadá xutoʼ ri tinamit rech xubʼan jun pacto rukʼ Jehová. Rukʼ wajun pacto riʼ, ri tinamit xutzujuj che ri Dios che kkiqʼijilaj ta chi e tyox, xaq xiw chi kkiqʼijilaj ri areʼ. Jehoiadá xubʼano che xewulix ri kqʼijilax wi ri Baal xuqujeʼ xkiwulij ri e tyox. Xeʼukoj kojol taq tabʼal toqʼobʼ xuqujeʼ levitas  rech kechakun pa ri rachoch ri Jehová rech jumul chik ri tinamit keqʼijilan chilaʼ. Xuqujeʼ xeʼukoj chajinelabʼ rech kkichajij ri rachoch ri Dios rech kʼo ta jun che tzʼil ukʼaslemal kok bʼi chilaʼ. Tekʼuriʼ, Jehoiadá xuqujeʼ ri e kʼamal taq bʼe kech ri e chajinelabʼ xkikʼam bʼi Jehoás pa ri ja re ajawinik rech ktʼuyiʼ pa ri utem re ajawbʼal. Ri winaq re Judá sibʼalaj xekikotik. Kimik kekun chik kkipatanij Jehová, kʼo ta chi ri itzelalaj Atalía xuqujeʼ ri qʼijilanik che ri Baal. ¿La kachomaj che Jehoiadá ko ranimaʼ? ¿La xachʼobʼo che rumal laʼ xkunik xeʼutoʼ kʼi winaq?

«Mixeʼj bʼa iwibʼ chkiwach ri kakikamisaj ri cuerpo, man kekuʼin ta kʼut kakikamisaj ri kʼaslibʼal. Are kʼu chixeʼj na iwibʼ chuwach ri jun ri kakuʼin che usachik uwach ri cuerpo xuqujeʼ ri kʼaslibʼal pa [ri Gehena]» (Mateo 10:28).